男尊女卑

呢幾日帶咗一個一家六口嘅韓國 family.

我並唔識韓文,

只識幾句簡單如 "come 沙 me打" - 多謝,

"亞 li 亞捨唷" - 早晨,

"亞豬媽" -已婚女仕.

"亞家士" -未婚小姐 咁大把,

而我亦只係同其中一嗰韓國人用英文溝通.

以前我做  outbound領隊時已經領教過D韓國男人幾咁大男人,

話說當時我行緊街,

迎面有個男人行緊過嚟,

佢不但只冇讓路,

仲一手推我膊頭咁推開我,

當時我嬲到差D想用粗口問候佢.

而今次見到嗰一老一嫩兩父子,

令我更感受到韓國仍存在着"男尊女卑"嘅風氣.

罪行一 :

响機塲嗰日,兩父子自顧自出閘,

留低兩個 "亞豬媽" 推住行李,

抱住個女 & 拖住個仔,

好似"跟尾狗"咁跟住兩父子.

罪行二 :

每次去 tour, 後生嗰個 "亞豬媽" 既要孭住一袋二袋物品,

又要抱住個女,

但個韓男只顧自己行,

絕無幫手凑女嘅意圖,

連上落巴士時要收埋架BB車嗰陣,

都要個 "亞豬媽" 一手抱女一手自己收,

攪到我都睇唔過眼幫佢手.

而 "亞豬媽" 就用好感激嘅眼神同我講咗句"come 沙 me打"

罪行三 :

有次個韓男想撩個女玩,

但個女唔啋佢,

佢竟然用隻手 "鍊" 到個女塊面紅哂,

個 B 女得嗰兩歲咋 !陰公!

罪行四 :

嗰晚帶佢哋去食飯,

唔使半個鐘個韓男自己食完就叫我埋單,

但佢老婆仲食緊碗炒飯,

我話唔趕時間,

不如等 "亞豬媽"食埋先.點知佢一聲令下,

"亞豬媽"即刻放低碗筷話食完.

近年香港Ｄ韓風吹得咁勁,

Ｄ香港 "亞家士" 又咁迷Ｄ韓男,

睇完佢哋Ｄ罪行仲想唔想 "受溝" 呀?

唔記得講埋同韓男結婚,

女方好似要貼埋傢俬兼大床 !

記得唸清楚至好 "扑鎚" 呀！