獅子王

上個禮拜因為帶團嘅關係,

我入咗迪士尼"蒲"咗兩個鐘.......又一次娛工作於娛樂

連埋今次我總共去咗迪士尼五次.

每次我只會選擇睇一個show或者行一個地方,

因為唔想再去嘅時候冇哂新鮮感.

而我最想就係睇獅子王嘅 show,

但每次總係夾唔啱時間睇唔到.

唸住今次一定要睇到,

所以咪早D行去攞 fastpass囉!

點知個 staff 叫我早15分鐘返嚟就得囉喎!

因為大把位..... 嗰日係星期六,

大家可以想像入塲人數有幾多 ??

成條"美國大街"都冇人行,

同 Ocean Park 人山人海嘅塲面真係差好遠.

個 show D 塲面幾虛冚,現塲睇真係好"正"

我仲發現一個有趣嘅現象,

就係每隔15分鐘左右就有唔同職位嘅 staff 行出嚟帶D朋友或屋企人入去玩,

當然佢哋唔使買飛喇 !

如果有導遊証嘅我都可以帶朋友入去玩就好喇 !

唔使次次得我自己玩咁悶.

唯一一次我覺得迪士尼好好玩嘅就係剛過去嘅 X'mas,

同我兩個寶貝嚟玩嘅嗰一次,

忽然覺得迪士尼好大,

因為我哋居然唔夠時間玩,

睇唔哂 D show 兼冇時間 shopping......唔使買souvenirs,令到我慳噃唔小

兩隻小鬼仲投訴連一張同 "米米" 影嘅相都冇.

原來一個地方好唔好玩,

唔係在乎個地方靚唔靚或者吸唔吸引!

而係在乎你同邊個去同用セ嘢心情去欣賞

 兩隻小鬼返嚟呢８個星期,

我哋連响街邊"篤"串魚蛋都覺得開心嘅 ! 

"好掛住你哋呀 !幾時再返嚟呀 !"