中西文化差異

唸噃大約過年前,

我帶咗一家五口去 tour,

呢個family响英國嚟,

兩公婆睇落唔過三十歲,

Daddy 仲似足 Beckham 咁靚仔,

佢拖住三條 king,

年齡由兩歲至五歲.....似係五年抱三嗰隻.

我真懷疑响呢個年頭,

仲有人會生咁多小魔怪 ???

我想講嘅中西文化差異有三 : 

第一 : 

早排日日得嗰十度八度,

我就着到好似五花腩咁,

帶埋頸巾都仲覺得自己好似响個冰柜咁,

但佢哋一家五口只係着件 T-Shirt 同外套,

我有問佢哋唔覺凍咩????

佢哋話呢D溫度不知幾舒服...... 真吹漲 !!!

第二 :

行咗唔夠五分鐘......最細嘅小鬼開始扭計,

咁啱我哋行經街市,

Daddy 唯有買提子俾佢食等佢唔好嘈,

佢哋係冇洗兼冇抺就即時放入口.

如果係香港嘅 Daddy & Mummy,

一定要洗完再撕埋皮至俾D細佬食,

但西方文化就信奉 "大菌食細菌.....細菌當補品."

但佢哋可能唔知我哋 D"生果"真係好多"農藥".囉

第三 :

隻小鬼一路食提子一路流鼻涕,

但佢Daddy冇幫佢抺鼻涕嘅意圖,

仲錫佢面珠講咗句: "sweetheart, are you ok?",

 跟住同我講個仔有  D咳,

不過應該冇嘢嘅.

而佢嗰 pet 鼻涕仍然留响面上面.

但係香港嘅 Daddy &Mummy 就一定唔會俾呢種事發生,

仲要係抺完紙巾再抺濕紙巾嗰隻.

如果  D細佬病仲一定唔會帶佢哋出街tim.

但西方文化就覺得接觸多  D細菌,

反而抵抗力仲強 D tim.

以上純粹我自己觀察得出嘅差異 

純粹個人意見.....與本blog站無關.

不要投訴......不要轉載 !哈哈!