明明行人過馬路嘅 "綠燈" 已經 "着" 咗
但眼前有架小型貨車 "踩衡油" ......"一支箭" 咁 "衝紅燈"
我當時面向司機方向
睇到個司機根本冇留意路面情況
隻眼並唔係向前望......而係成塊面望住右面車窗
好彩當時冇人見到一 "着" 綠燈就即刻行過馬路
如果唔係肯定俾架車撞到唔知彈去幾多呎之外
我即時聽到响兩邊等過馬路嘅人 "媽" 聲四起鬧個司機
我個客仲話要抄低架車嘅車牌去報案.......(最後當然冇咁做啦!
)呢個司機咁揸車遲早出事
所以奉勸各位每次過馬路都等 D 車停定至好過
費事撞到呢 D "癲癲哋" 嘅司機惹嚟 "無妄之災"
係呀 , 我每次都會等架車停定晒我先過馬路架 , 費事嚇親嘛
回覆刪除[版主回覆07/07/2010 20:55:00]真醒目
恐怖
回覆刪除[版主回覆07/07/2010 20:57:00]如果真係俾我見到撞親人就唔慌唔恐怖
吓~有d咁既樹??????喂..你讚茵...想..醒目..咁我係蠢才喇...我最唔等得既....明晡燈嘛...做咩仲要睇d衰車喎......我過架..理鬼佢丫....
回覆刪除[版主回覆07/08/2010 20:52:00]你唔係蠢.....不過有好多癲嘅司機啫 唔想無啦啦俾人整撻隙就睇定 D 至好過馬路
我囡囡同我講都曾經見過咁既司機呀..
回覆刪除[版主回覆07/09/2010 11:50:00]咁你提你囝囝囡囡過馬路要睇清楚啦
點解唔報案呀, 早d警惕個司機, 可能第時救左好多人呢?
回覆刪除[版主回覆07/12/2010 22:32:00]因為我冇戴眼鏡......所以我根本睇唔到佢嘅車牌.....咁又點報警喎