本來行程只去黃大仙、玉器市場 & 雀仔街
但因為時間太多.......我唔想咁早送佢去機場要佢呆坐
所以我做好人加咗站金魚街俾佢
個客雖然係個亞伯......但好似大細路咁
去到金魚街間間舖頭都入去望吓
仲係咁同我講佢都有養邊種魚
後尾仲俾佢發現 "紋身魚" .....(最衰影咗張相都睇得唔清楚)
我見到條 "紋身魚" 紋咗紅綠色嘅花草、同埋普通圓點圖案
後尾又見到藍色嘅小龍蝦
呢個額外嘅景點行咗成 45 分鐘
連我呢個 "耐熱人" 都行到出哂汗
不過總算睇到 D 我未睇過嘅特色 "紋身魚" & "藍色龍蝦"
唔通佢哋係 Blue Blood 藍血貴族龍蝦
沒有留言:
張貼留言