人客由司機响深圳送嚟香港
本來我係响酒店接佢哋行個 tour 之後再送佢哋去機場
點知一等就等咗個半鐘
個客嚟到話唔係好舒服
想响 Lobby Lounge 飲杯茶坐陣
我咪坐响度陪佢哋傾計
坐坐吓開始落大雨
個客最後決定邊度都唔去
問我可唔可以直接送佢哋去機場
當然可以啦......咁我咪可以早 D 收工囉
正當開車嗰陣至知掛咗 "黑色暴雨"
沿途大雨到差 D 睇唔到前面架車
因為司機响大陸嚟唔熟路
所以佢揸得好小心
車速限制 80 km/h......佢揸 60 km/h 喳
你睇過青馬橋嗰陣大雨到矇查查.......但個天仲好光
過咗一半橋個天就變哂色.....唔通真係黑雲落黑雨
沒有留言:
張貼留言