不過唔係嗰 D "強迫" 購物團
我一向都唔帶大陸客.......除咗因為我唔識 "煲冬瓜" 之外.......我最怕要迫客買嘢
但呢團 "商務團" 有 D "特別"
係一個爸爸帶住自己個女同埋朋友兩個女嚟旅行
"用心良苦" 咁想 D 女練習聽 & 講英文
所以至 book 咗我呢個講 "爛英語" 嘅導遊........真蠢
我同佢哋講我唔識講 "煲冬瓜"
但啱啱都放膽用 "好爛" 嘅 "煲冬瓜" 同佢爹哋傾計......佢居然明我講乜喎
我話如果今日你哋唔講英文......大家就會 "相對無言"
起初佢哋只係聽而唔夠膽講
.......話唔知點表達至正確
我話只要你夠膽講.......唔需要介意自己嘅 "文法" 啱唔啱
就算唔係完整句子都唔緊要
只要用簡單易明嘅英語令對方明白就可以
因為我哋唔係 "演講".......只係 "傾計"
呢 D 說話唔係我講........係大部分外國人都係咁講 (由其係英文唔係佢哋母語嘅外國人)
我就話應該係佢哋聽唔明我嗰 D "爛英文"
......所以咁樣講嚟安慰我就真雖然最終都係我講多過佢哋講
但起碼佢哋肯踏出 "第一步" 嘗試用英文同我溝通
不枉佢爹哋 "一片苦心" 用咁多錢揾個英文導遊俾佢哋練習
導遊兼英語老師, 在他們心目中是這樣想的. 所以英文好到處吃得開, 好像最近Lonely Planet招募免費旅遊作者, 就要英文好.
回覆刪除[版主回覆07/19/2010 14:45:00]我 D 英文純粹呃吓飯食....揾餐晏仔, 又邊有資格可以做英語老師呢
只要你夠膽講.......唔需要介意自己嘅 "文法" 啱唔啱 ,
回覆刪除你係啱的...Miss 導遊
[版主回覆07/19/2010 14:52:00]因為我都係咁樣講英文咖嘛
其實帶人數咁少既團, 會唔會响行程上有唔同架呢?
回覆刪除咁食飯會唔會煩D. 因為只係得幾個人, 好難訂位, 又會唔會去返平日d團去既地方呢?
[版主回覆07/19/2010 14:59:00]其實 "商務團" 比較彈性大 D, 有時 Agent 安排好嘅行程會隨時因應個客而改. Lunch or dinner 多數唔包, 只睇佢想食乜而建議餐廳俾佢哋! 旅遊點如山頂多數會去, 但佢哋更大興趣係 shopping 囉
其實計落個老爸有ｓｏ呀。。。。請一個英文補習老師都成舊幾兩舊水一個鐘啦.....而家佢比得一個價錢你....做導遊之餘又要做埋英文老師..佢著數晒啦.....我話史9口最精係佢呀..係咪???!!!
回覆刪除[版主回覆07/21/2010 14:14:00]都話我唔係英文老師........我只係一個講 "爛英語" 呃吓飯食嘅小導遊