我到咗羅湖即刻打電話俾個導遊話我响 "售票處" 等佢
佢當時話過緊關......但個客嘅證件有 D 問題......叫我等吓
等咗 45 分鐘我再打俾個導遊問佢响邊
佢答我响 "深圳"
.......又話過緊關嘅 ????再過 25 分鐘佢打俾我話已經上咗火車去緊紅磡
吓.......你攪乜呀???
明明 order 叫我响羅湖接團......明明你知我响羅湖等你
你做乜自己帶咗 D 客去紅磡...........你係咪玩嘢呀
.........電話都未講完响邊度等我就收咗線我即刻搭噃火車去紅磡
但個大陸導遊嘅電話一路都再打唔通
等到佢打俾我話响 Exit B 等我......我揾咗兩次都唔見
再揾埋 Exit A &Ｃ 都冇
......揸住佢個 "名牌" 兜咗個大堂兩次原來佢哋坐咗响大堂 "等候區".......大佬.....咁你唔好話我知你响 Exit B 等我啦
見到個 "導遊" 嗰刻我 "火" 都嚟埋
我直情 "質問" 佢點解唔跟 order 做嘢而自己帶個客嚟紅磡
我 "嬲" 係因為佢嘅 "失誤" 會令個客以為我 "遲到"......以為我唔 "專業"
接咗佢哋之後行程安排去 "維港遊"
當我坐低同個 "導遊" 商量行程嗰陣
佢攞張 "行程表" 俾我睇
我發現成件事原來唔係咁
原來個 "導遊" 唔係 "導遊"
佢只係有個 "中文名" 嘅 "老" 人
係佢公司經旅行社安排大陸 & 香港行程
佢只係公司嘅職員招待班客而陪佢哋一齊嚟
而佢張 "行程表" 真係叫佢自己去紅磡
咁.....咁究竟係邊個嘅錯呀???
北京 Agent 定深圳 Agent 呢 ???
頭先我咪.....即係唔係發個 "導遊" 爛渣......而係發個 "客" 爛渣
响發現呢個 "大錯誤" 之後
我即時向個客 say sorry
.........雖然 "錯不在我"話可能幾方面溝通出現問題至攪錯咗
希望佢唔好介意
So far 呢兩日嘅行程都安排得 "妥妥當當"
我唸
.......佢應該唔會 "投訴" 我啩
無事的 , 溝通上問題而已 , 他看見你的專業態度後 , 一定會對你贊不絕口
回覆刪除[版主回覆07/13/2010 21:34:00]話唔定佢更難忘我 "發嬲" "兇" 佢嘅樣呢
話唔定佢更難忘我 "發嬲" "兇" 佢嘅樣呢 ----->>>
回覆刪除這真是一個難忘的旅程呢~
[版主回覆07/13/2010 22:36:00]我平時唔係咁
難為了妳了, 說明溝通真的好重要.
回覆刪除[版主回覆07/15/2010 22:35:00]其實通咗幾次電話我都係話我响羅湖, 都唔知佢當時係咪聽唔明我講乜呢
所以我地成日要記住, 凡事留一綫, 日後好目見. 有時都唔怪得邊個, 但一定係溝通上出現問題. 下次對多幾次.
回覆刪除[版主回覆07/15/2010 22:54:00]我就係冇唸住要同佢再相見......所以咪冇留一線囉
WHERE IS YR EQ????????而家出樹喇.....
回覆刪除[版主回覆07/15/2010 22:57:00]EQ 咪俾 D 天氣熱溶咗囉!
大陸人做事和香港人有很大的分別，您就算同佢哋用電話確實多幾十次，可能都會錯的
回覆刪除[版主回覆07/18/2010 19:21:00]嗰個我以為佢係大陸人嘅導遊......佢既唔係大陸人.....亦唔係導遊, 所以我都唔知係邊個嘅錯
咁你都話佢係 "老" 人啦嘛! 老人當然論盡D lu~~
回覆刪除[版主回覆07/24/2010 00:27:00]"老人" 當 "老" 人......咁都得 ???