活剝田雞

呢堆咁嘔心嘅物體似唔似有D醫務所用藥水浸住嗰Ｄ幾個月大嘅 Baby 呀 ?

呢排D濕度日日都90 %以上,

所以尋日買咗幾隻田雞,冬瓜,瘦肉煲薏米去吓濕 .....D湯好甜嫁 !

講起田雞......我帶嗰個 walking tour 會帶 D 客行街市,

每次經過田雞檔,

我都叫 D 客睇,

佢哋會問係"乜東東",

當知道係田雞都會露出驚訝嘅表情 !

搖頭黨

呢兩日同幾個 guides 一齊做一班百幾人嘅"搖頭黨".

呢班"搖頭黨"係瑞士一間保險公司嘅 Top Sales.

因為 hit 到 targets,

所以公司請佢哋一家大細嚟香港玩.

响機塲大嘅就"嘰哩咕嚕".....中嘅就"每事問"......細嘅就喊聲交響樂

攪到我都差 D 變埋"搖頭黨" - 係"搖頭嘆息"嗰個"搖"喎 !

佢哋响香港係住得豪,食得好 !

酒店住 Island Shangri-La,

食肆包括山頂 Cafe Deco,

赤柱Wildfire &  Aberdeen Marine Club等等..

因為我有其他 jobs 在身,

所以我都係做兩轉接送機加去赤柱 shopping 食晏.

我俾人包咗........

我尋日俾人"包"咗.........幾粒鐘.......

個客係一個月前經香港去紐西蘭玩,

second visit 再嚟香港玩兩日至返荷蘭.

本應我話教佢哋搭地鐵自己去玩,

但佢兩公婆係都要"包"起我.

我帶咗佢哋去D例牌地方...

黃大仙 - 志蓮靜院 - 花墟 - 雀仔街

佢哋覺得志蓮靜院同黃大仙好唔同 !!!

志蓮靜院令你有一種寧靜同安詳嘅感覺 !

但黃大仙太金碧輝煌, 太煙, 太嘈, 太多表叔...........太多太多..........

獅子王

上個禮拜因為帶團嘅關係,

我入咗迪士尼"蒲"咗兩個鐘.......又一次娛工作於娛樂

連埋今次我總共去咗迪士尼五次.

每次我只會選擇睇一個show或者行一個地方,

因為唔想再去嘅時候冇哂新鮮感.

而我最想就係睇獅子王嘅 show,

男尊女卑

呢幾日帶咗一個一家六口嘅韓國 family.

我並唔識韓文,

只識幾句簡單如 "come 沙 me打" - 多謝,

"亞 li 亞捨唷" - 早晨,

"亞豬媽" -已婚女仕.

"亞家士" -未婚小姐 咁大把,

而我亦只係同其中一嗰韓國人用英文溝通.

以前我做  outbound領隊時已經領教過D韓國男人幾咁大男人,

話說當時我行緊街,

迎面有個男人行緊過嚟,

佢不但只冇讓路,

仲一手推我膊頭咁推開我,

當時我嬲到差D想用粗口問候佢.