高雄小琉球之旅 - Day 3

13-04-2013
今日約咗包車司機叔叔 10:00 嚟接我哋

第一站本來去美人洞

因為之前打風吹斷咗條路

所以今日行程改為去 "山豬溝" ~ "烏鬼洞" ~ "厚石群礁"



第一站噹噹已經做咗生招牌

點解呢度叫 "山豬溝"

相傳呢度有一隻修煉百年成精嘅山豬, 有一日, 天上仙女下凡到海邊沐浴,

將衣衫放置响岸上, 山豬精發現咗, 暗地將仙女嘅衣衫偷走,

仙女沐浴後搵唔噃 D 衣衫無法升天, 只好隱入樹林中哭泣,

山豬精威迫求婚, 仙女假裝應承

等山豬精交還衣服後, 穿好衣裳昇天而去,

從此山豬精終日相思嚎啕, 最後為情而憤死.

好淒美呀.......等我仲以為呢度有有山豬食



山豬溝同下一個景點烏鬼洞係銜接相通

其實呢度係斷崖所形成......沿住呢條步道行......可以了解多 D 小琉球地質演變嘅過程

防空洞, 一線天, 礁岩石洞都係呢度嘅主要景點

周圍都俾榕樹粗壯嘅氣根盤據响礁岩上

隨處亦見唔同嘅樹藤佈滿山壁

呢度對自然環境保護做得好好......全程都有呢 D 木樓梯, 我噹噹可以好安全咁步行參觀

呢度就係 "一線天". ???........咁迫我點過呀



唔好..... 我幫你闢開舊石咪得囉

居然响呢度搵到我 D 同類

唔好留我哋响 D 樹藤度.....放我哋落嚟呀

周圍真係好多呢 D 防空洞

雖然呢度同烏鬼洞相連

但我哋都要坐十分鐘車程至到




呢個洞自古傳說紛紛, 相傳明永曆十五年, 明遺臣鄭成功光復澎湖趕走荷蘭人

少數黑奴被遺棄响呢度而潛居呢個山洞, 因此而命名 "烏鬼洞"



响烏鬼洞旁邊有呢塊矇查查嘅記事碑

大概記載呢個洞穴响岩石隙縫間, 內裡又黑又唔知深長幾尺

傳說清朝時期洞中嘅石桌、石椅、石床、石碗等器皿仲响度......仲發現過有金銀珠寶o忝
咁.......我哋都唔好執輸排隊入去睇吓先

因為呢個洞只可一個人一個人慢慢咁通過

所以我哋排咗半個鐘至入到去

裏面真係好窄好黑.....要用手機開電筒照住嚟行

仲要好似玩雜技咁......左扭右閃至過到......真係肥 D 都唔好入嚟

唔係卡住响 D 岩石度都唔知點救佢

其實個洞得個 "黑" 字.......係冇嘢睇嘅

反而沿住步道行落去仲靚


似唔似象鼻山

 
呢度拍古裝片一流

真係好鍾意台灣政府整好哂 D 樓梯俾遊人去參觀咁靚嘅大自然環境

仲照顧埋遊人便便嘅需要

 

 
我手指指究竟指咩嘢

你哋要好有眼力至可以睇清楚........唔係鯊魚......係綠海龜

起碼有四呎咁長.....仲唔只一隻......有好多隻

我哋興奮到嘩嘩聲响度大叫

有一對情侶本來坐响度卿卿我我......都忍唔住走嚟問我哋見到咩嘢咁開心

如果唔係約咗司機嚟接我哋

我真可以對住咁靚嘅環境坐半日

最後一個景點係厚石群礁

厚石裙礁主要分佈响琉球島嶼東南沿海一帶, 沿岸係綿延不絕嘅珊瑚裙礁,

係裙礁內就係一大片平坦嘅海蝕平台, 受到海水嘅侵蝕作用, 全區海蝕平台呈現凹凸不平嘅狀態

因為厚石裙礁仲未經過人為開發, 所以自然景觀仲保持得好完整,

加上鄰近海岸公路, 所以吸引咗許多觀光遊客嚟呢度欣賞咁靚嘅自然風光。

整噃個 welcome kiss 先

呢度咁大.......不如我哋玩 "樸呢呢" 囉

 
嘩......呢度都有海星呀

 
呢舊唔通係魚尾嘅化石

 
張岩石櫈好 fit 我坐

 

 
我又响度捉海星上嚟玩



雖然呢度全部都係岩石頭.......但環境真係好靚

唔經唔覺玩咗一個上晝............係時候 say goodbye......

呢度咁靚.............I'll be back.

因為今日係星期六......好多遊客嚟渡假

所以我哋去到碼頭即刻有加班船返東港碼頭.......仲唔使 20分鐘就到

我真以為自己坐緊死亡快艇

返到去緊係要去東港漁市場睇吓有冇魚生食

呢個市場好大......無論乾濕貨都有

 
睇吓 D 班幾大條

 
D 蟹唔係每斤賣......係依大細逐隻計錢.....就算細細隻都爆羔

 
條條魚都起碼三呎長

呢條係.....油魚追定海鰻呢

唔知魷魚筒裏面係咪饟咗魚春呢

呢隻糯米軟糕有唔同味道.....紅豆, 紫山藥,芋頭,蕃薯,水蜜桃等等.....唔太甜, 夠特別

我好想買噃去做手信......因為新鮮造.....保鮮期只得三日.....真可惜唔可以帶返去俾朋友試吓

市場裏面有好多魚生檔......花多眼亂都唔知去邊間



最後噹噹幫我揀咗呢間 "王匠"......聽個名都夠哂氣勢



睇落呢檔魚生都夠新鮮.....舖頭亦好乾淨

一盒 NT200 (HK$54).....香港應該冇咁平

我呢碟更加係現切......有四隻兩吋咁長嘅櫻花蝦 + 三款唔同魚生都係 NT200

朋友本來唔食生嘢.....突然話人一世物一世, 咩都要試吓

就係咁.....佢就獻出咗佢嘅第一次俾 D 魚生

俾朋友食咗幾舊......點都要叫多碟補噃數......呢碟現切只係 NT100 (HK$27)

我自己食完魚生啫.......都要照顧吓朋友打緊鼓嘅肚


快快趣坐低响一間海鮮小炒店

D 小炒大部分都係 NT100 (HK$27) 一碟

招牌菜 ~ 炒魚皮....真係好掂, 好滑, 我哋應該食咗好多骨膠源落肚

炒螺肉好爽脆

蒜蓉炒海蝦......冇咩特別

呢隻叫雪蓮菜唔知係咪台灣至有呢......爽爽甜甜好好味

我哋响頭先嘅蟹檔買咗 2 隻羔蟹.....加咗 NT100 煮功.....HK$80 就食到兩隻爆哂羔嘅薑蔥炒蟹


呢個湯煲得超唔掂......廚師應該冇煎過 D 魚就煲, 所以好腥

五餸一湯海鮮餐 + 炒麵 + 啤酒汽水都係 NT1000 (HK$270)..........超抵

雖然好飽.......但呢度最出名係 "旗魚黑輪" ~ 即係炸魚蛋

D 本地人一打一打咁買.......我哋咁飽.....一枝咁多啦

唔通亞姐知我影佢.....即時停工擺 pose

佢哋用一隻隻熟蛋切碎撈埋 D 魚肉新鮮即炸.....見到圖右我隻手揸住條魚條嗎

食飽飽即 call 旅遊公司嘅車嚟接我哋返高雄

返咗民宿抖咗一個鐘.....睇到旅遊書介紹 "光南大批發"

唸住去行吓睇吓有咩買

朋友家姐話冇興趣行......叫我哋自便

呢度似係台灣土產十蚊店......真係冇咩特別

行咗一陣順便行埋隔離街嘅 "興中觀光夜市"

掃吓街食咗碗麵就結束咗我哋第三日嘅行程

待續...............