高雄小琉球之旅 - Day 1

趁今日有小小時間.....我點都要開始寫我嘅台灣遊記

11-04-2013
原本打算今次行程只去五日

為咗唔想一落機就趕去碼頭搭船去小琉球

最後決定早一日出發

反正民宿又唔貴

寧願輕輕鬆鬆早一日去食吓嘢

噹媽迫我帶埋佢個噹仔去旅行

你睇兩隻衰嘢晨早自己匿埋入喼度......驚死我唔帶佢哋去

高雄真係好方便......坐捷運去高雄車站唔使 25 分鐘......行去民宿只係 5 分鐘

放低行李又去上次間 "老李排骨酥湯" 醫肚

D 排骨就咁食好硬......所以 D 台灣人多數買噃屋企燉湯

燉到軟綿綿差不多骨肉分離就至正

噹噹：呢個美麗島捷運站真係好靚

我哋坐捷運去凱旋站１號出口有呢部咁靚嘅接駁巴士送我哋去 "夢時代"

我哋唔係嚟 shopping........而係專登嚟扮遊客上頂樓坐 "摩天輪"

其實呢度同冒險樂園差唔多.....全部都係小朋友玩意

呢個摩天輪係高雄嘅地標

噹噹 & 菇囡 : 快 D 影完相上去睇夜景

高雄夜景.....最高嗰棟係 85 大樓

呢度有 D 卡通人物專門店

我當然帶噹噹去尋根.......仲買咗 D 手信俾噹媽

噹噹你試吓好啦......我唔會買俾你

噹噹 : 超型.....我要返去學電單車

仲同噹噹去試紅豆燒餅

紫菜魷魚豬肉捲同豬肉片燒飯團.......睇落好似好好味



我哋間民宿只需行 5 分鐘就到六合夜市

當然我哋唔會放過 "掃街" 嘅機會

我都係第一次坐响呢 D 檔仔食 "担担麵"

我哋想叫魚蛋......嚟咗呢碟魚嘅 "蛋"

雖然硬咗 D.......但有咬口得嚟都算唔錯

胡椒餅底好香.....夠 juicy

豆腐,豬耳,雞翼,魚蛋,台式香腸咩都有

飲飽食醉後大家都早 D 去搵周公

抖足精神聽日去迎接今次嘅主角 - 小琉球