尋日包車基本上想去嘅地方都去哂
我哋又冇興趣玩水上活動
所以今日瞓到想醒至起身
食完肯德基當早餐就周圍行
途經內街有間叫 "元氣老爹" 嘅民宿都唔錯
外圍夠 Sharp 夠搶眼
大堂好田園家庭 Feel....夠骨子
四人房 NT2000
二人房好 sweet 好童話 Feel.....盛惠 NT1600
二人房仲有個露台仔
浴室好乾淨好靚.....民宿得嚟似酒店配套
下次再嚟住呢間都唔錯
逛吓逛吓逛咗去賣牛奶糖嘅手信舖
買到成手 "伴手禮" 當然要返民宿先啦
其實尋日仲有一個地方唔夠時間去.....就係 "後壁湖遊艇碼頭"
呢度除咗暑假係唔會有公車到
所以我哋 call 噃尋日個司機
用 NT600 包我哋接送去後壁湖
後壁湖係墾丁國家公園內最大漁港
可以容納 350 艘 500 噸級以下嘅漁船
下晝漁船入港時....有好多新鮮嘅漁獲
我想去後壁湖嘅原因咪係為咗佢 D 現切魚生片囉
呢碟四款五片魚生只係 NT 100 (HK$26)....抵到我一個人食咗兩碟
左上角嗰碟係炒鯊魚皮....D 皮好爽好啫喱 Feel....正
睇吓個魚頭應該大過我個頭
好多漁穫
條條魚都有噃咁上吓斤兩
呢度仲望到燈塔
仲有個好靚嘅遊艇碼頭
呢度另一樣出名就係坐 "觀光半潛艇"
坐响水底玻璃船倉睇珊瑚礁同埋熱帶魚類生態....不過我哋冇去到
食飽飽朋友繼續掃 "伴手禮"
本來唸住返歸.....但司機叔叔好好人
係都話要車埋我哋去墾丁著名地標 - "貓鼻頭"
因為呢度有一塊喺海崖崩落嘅岩礁....外形似貓而命名
真係似貓咩
招積噹你個樣 "寸寸貢" ....等陣你就知
推你落崖先
呢度有個觀景高台.....响觀景台望落去
可以睇哂巴士海峽同埋台灣海峽
仲可以睇埋好靚嘅裙礁海岸地形
唔怪得係其中一個著名景點啦
返到民宿後我本想去海邊搵個地方 "灘" 响度哂太陽
太陽就哂唔到反而睇到日落
預備 1 , 2 , 3
開始落啦
睇吓個 "鹹蛋黃" 幾靚
等我接住先
接到啦....yeah
See you next time
睇完日落再去民宿隔離間小炒食飯
今晚叫咩冇咩.....唯有食 D 普通嘢
墾丁炒飯 (個名我作o家)....D 飯炒得幾爽口
眼淚肉碎豆腐 (又係我作)
炭燒豬頸肉欠咗個泰式酸甜汁....如果唔係就 perfect
食完飯我哋又即去夜市掃街
本來想食墨魚腸....冇得賣唯有食黑胡椒腸
好大隻水魷魚....咖哩魷魚就食得多, 沙茶未試過, 買去一路睇星一路食
今晚特備節目 - 去海邊睇星星
星星咁細當然影唔到相俾你哋睇
影噃個月亮又如何....月亮係咪好圓好光亮呢
我哋都唔理污糟....瞓咗响花糟睇星傾計
唔使返工成日都咁嘆就好啦
聽朝去埋 "國立海洋生物博物館" 就返出高雄住兩晚
想繼續陪我重溫我嘅旅程就俾 D 耐性
待續......
<用 NT600 包接送去後壁湖>我上網見有人講400都得!!
回覆刪除但之後再去埋貓鼻頭看埋日落個價就好抵啦^_^
我仲諗緊包唔包車現。想自己幾個坐街車同客運,街車同客運去唔到就的士來回接送。
邊個好呢?
[版主回覆03/30/2012 00:08:41]除非有街車, 如果唔係的士唔睇錶, 分分鐘貴過租車! 你上面位 blog 友應該解答咗你 D 問題
XINGANDSING BLOG友仔等我試一試解答你既問題...
回覆刪除墾丁包車一日8小時大概NT3000...半日就NT1500喇....而家去後壁湖來來回回加埋食野時間大概係兩個幾鐘即係收NT800...所以導遊仔用NT600已算低價....係墾丁大街你坐的士去後壁湖就收NT400未計回程....係墾丁打的係唔睇錶既..全部口講口賠....的士食水都幾深架..
坐街車(公車)去後壁湖只開星期日.....佢唔似鵝鑾鼻日日有車到....如果你去出火可以行過去...係恆春市既東城門行過去十五分鐘就到...墾丁唔知你會住邊區呢???如果你喜愛水上活動就住墾丁吧....陽光海灘一流...
如星期日會在墾丁的話..晚上可以去恆春既夜市...佢只開星期日晚..OK..而墾丁大街夜市就日日開..唔急於行既....
希望幫到你啦...
[版主回覆03/30/2012 00:10:08]你都好熟行程喎 ^~^
日落D相好靚^,^
回覆刪除[版主回覆03/30/2012 00:11:23]唔係我影....不過代朋友多謝你
100蚊台幣一大碟魚生好抵!! 係香港頂多叫到1,2碟壽司!!
回覆刪除[版主回覆03/30/2012 00:12:54]真係好抵....又新鮮又好味
四人房讓我大開眼界, 如果一家人好熱鬧, 一班死黨閨蜜同住也肯定好玩.
回覆刪除[版主回覆03/30/2012 00:14:14]如果死黨一齊住肯定嘈到俾人投訴 :-P
回覆刪除[版主回覆04/06/2012 17:14:40]