Hea 之旅 - 高雄墾丁遊 1

返咗嚟幾日將 D 相分類得七七八八

終於有時間坐低寫 Blog

今次台灣之旅主要係 hea 吓 、食吓

舒舒服服玩咗六日充吓電

如果成日都可以咁樣放吓假都唔錯

講噃我嘅 Hea 之旅 - 4/3/2012

第一日我哋到高雄即有包車送我哋去墾丁

大約兩個鐘車程就到咗我哋嘅民宿 Minimi Inn - 米尼米

呢間民宿比較 "背囊黨 feel"

反正唔係成日留响房....我覺得以 NT1180 四人房係 ok 嘅

  



 

 

 
放好行李求其搵間餐廳醫肚後返去搵老板娘攞料去玩

老板娘教我哋坐 "街車" 去 "恆春古城"....順便睇埋 "出火"

我哋周圍行吓影吓相又 hea 吓

恆春古城東門

恆春古城南門

恆春古城西門

恆春古城北門

成個古城都幾大....不過我哋 "自由行" 慢慢行吹吓風都幾舒服

菇囡你快 D 走開....呢條路係俾旦克車行而唔係俾你行o家

呢度周圍都係古蹟....可惜有好多地方俾颱風破壞咗而要維修

 

我哋仲經過 "海角七角" 拍攝場地

阿嘉之家要收費至可以入去影相....我哋當然冇入啦

睇地圖由古城行去 "出火" 好似唔係好遠

兼且呢度唔係隨手就可以叫到的士....所以我哋決定慢慢行去

行咗幾分鐘見到個路牌寫住要 3 km 至到 "出火"

但最終我哋只係行咗十分鐘

其實路程應該係 300 米而唔係 3 公里

邊個咁大整蠱發放假消息

睇吓三傻幾百厭

招積噹唔使你介紹我都知呢度係 "出火特別景觀區" 啦

呢度點解叫 "出火" 係因為地質為泥岩層, 而泥岩層嘅裂隙多

地底嘅天然氣沿住岩層嘅裂隙冒出地面

 點火燃燒而成 "出火" 嘅景觀

唔知呢度 D 天然氣燒出嚟嘅蕃薯係咪好味 D 呢 ? 

火燒三傻都唔錯

因為要行路返 "恆春老街" 兼好多蚊

所以我哋冇等到夜晚再睇 "出火" 就走

返到墾丁行咗一陣夜街.......呢度好似芭堤雅條夜街

睇吓有幾大個美女响街頭

既有小炒檔亦有街頭小食.....當然大把手信舖
 
掃咗一輪街再買咗 D 鹵味就返歸

第一日就係咁輕輕鬆鬆度過咗

待續............