Hea 之旅 - 高雄墾丁遊 2

5/3/2012 行程第二日我哋包咗一日車

因為上網報咗名去睇生態保護區 "龍坑"

所以第一站要去聽簡報.....如果唔係唔可以去呢個保護區

之後我哋去咗香港人多數唔會去嘅 "墾丁國家公園"



呢個係著名嘅 "大尖山" 

呢度係 "墾丁國家森林遊樂區" 嘅入口 

就算車行由入口去到售票條路都好長

如果行上去都好金

呢個公園主要睇動植物、珊瑚礁岩、鐘乳石、洞穴等等


行咗十分鐘至到遊客中心

沿途見到最多就係呢 D 牌
 
我哋真係見到成 4 吋長嘅蜈蚣同蜥蝪

一路上見到好多稀有品種嘅植物

就好似呢棵中間穿咗個窿嘅巨木叫 "茄苳巨木"

原來由種子成長到而家已經有 300 歷史o家啦.....勁


沿途亦有好多呢 D 由珊瑚礁岩裂開而成再舖成嘅路

 

仲要上落呢條長命斜

行咗成個鐘至搵到呢個叫 "銀龍洞" 嘅鐘乳洞

 

其中一段洞穴連我呢個咁瘦嘅人穿過都唔係剩噃好多位

所以奉勸肥人都係唔好嚟

由於公園好大.....我哋下晝仲有好多景點要去

所以出名嘅 "一線天"、"石筍寶穴" & "仙洞" 都冇時間睇

下次有機會我一定會再嚟

呢度每個景點嘅車程都係十零分鐘

所以沿途我哋去咗唔小景點

呢度就係出名嘅 "船帆石"

船帆石係一塊由附近台地滾落至海岸嘅珊瑚礁岩

遠望似艘啟碇嘅帆船而命名

近睇又似美國總統尼克森嘅側面....所以又名 "尼克森頭"

之後去咗 "鵞鑾鼻" 睇燈塔

呢度好大風....招積噹企咗好耐至企得穩

呢日天氣好好....藍天白雲....你哋睇幾靚

環境咁靚.....連小菇囡都要响度表演 "飛"

呢度好似外國嘅公園有個大草坡

如果唔係趕時間瞓响大草坡哂吓太陽一定好舒服寫意

我哋影咗幾張燈塔相就走咗

而家睇噃張入場卷至知呢度有條步行道.....好大好多嘢睇

仲可以行到好近燈塔..... 但我哋咩都冇行

離開 "鵝鑾鼻" 就去台灣最南端

呢度只得一個小小地標

但就塞滿強國人....想影張相都好難

有個強國人仲隨風吐痰差 D吹埋朋友身

攪到佢發哂癲差 D 用粗口鬧人

朋友懷住一股怨氣去到 "龍坑"

行咗十分鐘至到 "報到區"

放低證件同要帶住呢條 "手帶" 做識別至可以參觀呢個生態保護區

而朋友嘅怒氣亦俾呢度好靚嘅大自然環境鎮壓住

呢度每天管制限200人進入....而且要先跟墾管處網上預約申請

龍坑要冬天落山風大嘅時候去至精采

睇著大浪打上崎嶇嘅礁岩....濺起浪花至壯觀

就算而家春天都見浪花打响礁岩上.....形成泡沫塊好似肥皂泡

總之睇相唔能夠同响現場相比.....靚到冇朋友啦


三傻都話要响呢條龍坑木棧道留影

龍坑海岸植物 - 龍坑西蘭花 (個名我哋改嘅)

睇吓 D 岩礁紋似唔似一把扇

貶吓眼行咗個幾鐘.....仲要趕下一個景點 "佳樂水"

佳樂水原名"佳落水"....意思係 "從高處落下來嘅水"

直至民國 64 年已故總統蔣經國先生嚟到呢度視察至改名為 "佳樂水"

取其意思為 "安和樂利" 之意

主要海岸地形係由砂岩和珊瑚礁構成

响久經強風同海浪嘅侵蝕下

雕琢出各式各樣嘅奇岩怪石

左下面似鞋形嘅石叫 "仙女鞋" .....中間嗰舊叫 "處女石"

呢舊係 "海獅石"....塊面有點點紋好鬼似

"蝸牛石"

犀牛石.....我話更似人面石

臥豬石....真係似隻 "唐豬" 反咗肚

雄陽石

軍艦石

觀音石

呢舊石真係有哂眼耳口鼻
 

招積噹話舉頭三呎有三角窿

三傻話呢舊蜂窩狀砂岩好 "銀" 背

呢舊 fit 哂招積噹

影咗好多張相至影到咁澎湃

呢度開始日落時潮漲得好快

短短五分鐘已經漲到我哋面前

可以想像如果真係海嘨真係好恐怖

响呢度我哋簡直唔捨得走

其實今日都行咗好多路有 D 攰

兼且包車嘅時間亦差唔多.....所以起行返民宿

途中司機仲停低一處叫 "風吹沙" 嘅自然景觀俾我哋影相

每年東北季風吹起時.....海岸嘅沙子就會被吹上路面

可以睇見路面三分之一會堆滿細砂

就係呢 D 沙响冬天會吹上公路

睇吓呢 D 光禿禿嘅樹吹到歪哂就知 D 風有幾大威力

返到酒店時間啱啱好.....架車冇超時

我哋抖咗一陣就近近哋响隔離間小炒店開餐

呢個唔係湯.....係海瓜子(蜆)浸絲瓜

老闆極力推介呢個 "情人的眼淚"

圓圈啡色嗰粒有核....味道好似麵醬咁嘅味

綠綠哋色嗰 D 好爽口似紫菜.....又真係幾好食

醬爆三杯雞....九層塔好香

新鮮燒魚鮫.....小菇囡都流口水

呢頭食完飯嗰頭我哋已經出戰夜市

去旅行最開心莫過於食...食...食

唔怕我長氣.....等睇埋我嘅 Hea 之旅三、四、五日啦

待續..........