我最怕同人迫兼唔使開工
所以又留响屋企玩 "煮飯仔"
.....繼續我嘅 "三十零蚊可以煮 D 乜" 系列 
第一味出場係 "莞茜茶瓜皮蛋魚片湯"
我將 D 材料全部炒香出哂味至加水.......20 分鐘攪掂....好好味
冬陰公汁紫洋蔥三文魚頭.....因為怕老媽 "o厭" 太辣.....所以我加咗茄膏一齊煮
麵醬蒜蓉蒸排骨......我以為麵醬會好鹹....所以冇落豉油.....蒸起有 D "淡口"
甘筍雲耳椰菜包......賣相係咪好靚呢......呢碟餸最平 - $5....不過攪咗好耐
又係時候計吓用咗幾多錢......
鯇魚片 - $8, 茶瓜 + 皮蛋 $5, 莞茜 $2, 排骨 $10, 椰菜 $3, 甘筍 + 木耳 $2, 三文魚頭 $7, 紫洋蔥 $1, 醬料 $1..........$39 冇超支
我 "廚藝" 其實一 D 都唔叻
不過我好享受 "煮" 嘅 "過程"......真係好好玩
咩野叫。。。茶瓜？？？
回覆刪除[版主回覆10/04/2011 01:18:00]我唔知點形容俾你知
食物似乎很吸引,見到也想吃^^
回覆刪除[版主回覆10/04/2011 01:19:00]多謝你欣賞
有人煮比我就好啦 自己一個住，真係無咁好心機，而且好多食材都搵唔到
回覆刪除[版主回覆10/05/2011 17:37:00]一個人真係懶得煮.....不過我係享受煮嘅過程多過想食囉
"莞茜茶瓜皮蛋魚片湯"--->>正,清熱下火~
回覆刪除[版主回覆10/05/2011 17:38:00]你都可以煲.....真係好簡單
你仲話唔識煮....咁好心機度食材,而且仲要係$39 二人用有 三餸一湯 ,你睇有部份綜援人士不高興每餐咁少銀煮一餐添.
回覆刪除[版主回覆10/05/2011 17:43:00]唸吓用有限價錢去煮咩都已經係一種享受..... 綜援人士如果好似我咁唸吓都可以煮出唔同口味.....唔一定要貴至好食
茶瓜是由黃瓜醃成的,味道甜中帶酸.是一種以前廣東人流行的醬菜.用以下粥或下飯.通常用作病人戒口之用,所謂"茶瓜餸飯,好人有限"也.
回覆刪除http://hk.knowledge.yahoo.com/question/question?qid=7009041201142
[版主回覆10/05/2011 17:45:00]唔該哂你幫我解釋俾下面位 blog 友知咩嘢係茶瓜
30零蚊一餐餸？你咁樣計法實都得架
回覆刪除[版主回覆10/06/2011 01:25:00]咁計有咩問題呢 ? 當然我唔可以買 $1 甘筍.....但一包有 8 條賣 $8, 我只用一條當然係 $1 啦.....剩餘嘅仲可以留噃煮第二樣餸.....冇問題喎
估妳唔到, 妳都撚得兩手噃.........
回覆刪除[版主回覆10/06/2011 01:27:00]煮好容易.....好唔好食係另一個問題
Very busy. Working 24/7
回覆刪除[版主回覆10/07/2011 20:30:00]咁慘....小心身體.....takecare of yourself