因為班客分咗三段時間走
所以一落客即刻回頭趕返西環
趕到甩轆到酒店已經 7:45 am.....上埋行李開車已經 8:00 am
因為有個客要坐 10 : 20 am 飛機
橫計掂計如果行紅隧實塞响中環同灣仔......起碼個幾鐘至到機場
所以我咪請示高層要行西隧
點知高層第一句就話 : 緊係唔得啦......西隧 "貴" 咁多
我話行紅隧.....依家係 "繁忙時間" ......個客有可能會 Miss 咗班機
兼且我仲要趕出嚟送多轉 10:45 am
最後高層好 "不情不願" 咁 "批准" 我行西隧
總之今朝就趕到甩轆
連早餐都冇時間食
都話架啦....越高層越姑鬼寒..好似我地新黎既高級領導人....舊果個走時我地請舊果個食飯...順便介紹新領導過我地識....咁我地就順手請埋新領導食飯啦..(唔請都唔得...因為佢地兩個食完飯即去第二個分處..跟本唔會跟我地返公司..所以跟本唔可以問新領導攞番錢)...點知個新領導上任成個月有多...黎過我地分處一次...都唔請我地飲番杯茶...唓....食我地時就笑笑口..而家就就住就住...禁實荷包...你估我地真係真係恨佢杯茶咩....只係覺佢跟本唔重視我地..所以條氣唔順之嘛...
回覆刪除好似而家舊老頂走左...中秋聽日就到喇..佢地兩個都無表示啦...咁唔識做人1...我地可以點對佢好喎...做都做到唔順超啦....所以高層??老細?//咪等於姑寒既代名詞囉...
[版主回覆09/21/2010 21:14:00]嘩 你咁長篇大論......個 reply 仲長過我篇 blog.....真係唔得你死
(Empty)
回覆刪除[版主回覆09/21/2010 21:29:00]多謝! 我都祝你和媽媽中秋節快樂!