放咗個斷斷續續嘅 "悠長聖誕 & 新年假期",
今日我要返個續 "導遊證" 嘅 "導遊持續專業進修計劃" 嘅課程,
學咗 D 乜嘢?
........
...... 嘻嘻.......唔知喎!
因為我坐低唔夠半粒鐘就 "昏昏欲睡"
況且呢個課程係 "做樣" 俾 "旅遊業議會" 睇,
坐夠 "六粒鐘" 去換取其中一項 "續牌" 嘅資格
我自問係一個唔可以坐超過兩粒鐘响同一空間嘅人.......當然去玩例外!
兼且導師都話大家係行家,
有乜新嘅資料都會上網去 Upgrade 自己,
唔需要人哋去迫我哋 "升呢",
所以佢話我哋响課室想做乜都得,
只要唔影响佢 "講解" 就冇問題!
o甘我咪坐响度同 "周仔" 纏綿囉!
不過我食完飯後都好乖,
坐响度睇咗 2/3 叠資料,
幫自己 "升咗小小呢" !
哥哥仔起身喇.....你俾我偷影咗!
做個樣比人睇......虛度光陰~~
回覆刪除[版主回覆01/08/2010 22:26:00]嘥咗我 D 時間.....但亦係o甘我至乖乖哋 update 咗自己一 D 資料
真係慘.......我講緊你 D 同學呀！無端端俾人偷影。
回覆刪除[版主回覆01/08/2010 22:29:00]同學 ??? 我連佢哋個樣都冇望真......只可算同處一室嘅陌生人
唔怪得而家啲領隊導遊都學到唔係一成不變 , 而係千變萬變 , 上堂先會不變 "玩嘢同訓覺"
回覆刪除[版主回覆01/08/2010 22:31:00]除咗領隊導遊, 大把人上堂都係好似我o甘
你舊年四月都上過d績牌course啦, 不過當時有d怒氣, 今年你真係升呢嘞, 玩住渡過, 苦中作樂!
回覆刪除[版主回覆01/08/2010 22:38:00]你o甘好記性嘅 多謝捧場!
我有 "怒氣" 咩 有都係 "怒" D 官方人員嘥我 D 時間啫!
你偷影 人 , 自己一樣 .....
回覆刪除[版主回覆01/08/2010 22:56:00]我冇 "爬" 响度瞓......我坐之嗎!
要坐六粒鐘上堂, 一定頂唔順
回覆刪除[版主回覆01/09/2010 20:32:00]所以咪以 "瞓覺" 解悶囉!
食完飯,飯氣攻心,冇再瞓過呀,咁乖睇資料。哥哥仔瞓覺都揀個後 d 嘅位吖,你影到前面,個好位梗係比你霸咗喇!
回覆刪除[版主回覆01/09/2010 21:25:00]"升呢" 靠自己, 要迫人坐課室就冇意思喇!
我入到課室居然仲有 "筍位".....唔坐對唔住自己喇!
我都係最憎上堂...要我乖乖坐係度上堂你叫我屎左去算喇,,,,, ..上完堂有錢分都係咁話呀......上堂...太可怕喇...
回覆刪除[版主回覆01/09/2010 21:28:00]睇吓上乜嘢堂喇! 如果係自己有興趣嘅我又唔會瞓覺喎
最怕要上自己不需要上卻又不得不上的課。
回覆刪除[版主回覆01/09/2010 21:36:00]係 慘過去 "行刑"
對我沒興趣的課堂 , 我肯定去了遊雲
回覆刪除[版主回覆01/12/2010 00:38:00]我上埋太空喇!
咁衰GA,影人地 , 你都你啦, 激死
回覆刪除[版主回覆01/12/2010 00:39:00]有幾衰......我都冇影佢個樣!