又食又拎

好耐冇試過接早機,

今朝 06:00 玩到夜晚九點至收工,

本來攰到死.......但忍唔住都要同大家講吓我呢個 "又食又拎" 嘅故事

今朝接早機後返到酒店又未有房,

個客叫我一齊去 Coffee Shop 食 Buffet 早餐......當然唔使我俾錢

到佢哋瞓醒出發去大佛都差唔多三點,

因為佢哋冇食 Lunch ,

所以我提議佢哋响東涌食埋晚飯至走!

因為有個中國客户經理嘅關係,

所以 "順理成章" 去食中菜!

你哋估吓我哋四個人 Order 咗幾多嘢......

七餸一湯......白飯唔使裝

去片睇吓我哋食咗乜....

頭盆 - 芝士焗龍蝦伊麵底

海皇豆腐羹一鍋.......唔記得影相

椒鹽瀨尿蝦

蒜蓉粉絲蒸蟶子

薑蔥炒肉蟹

主角 - 清蒸紅.....唔知乜嘢仔嘅海上鮮......條魚好滑好好味!

雜菇炒上素

瑤柱蛋白炒飯

張枱都擺唔哂 D 餸,

試問四個人又點食八個餸呢????

最後客户經理叫我打包 D 餸返屋企,

攞咗乜????

蟹 & 炒飯原封不動打包, 本應仲有一隻瀨尿蝦, 未影相已被老媽食咗!

我今日既開工收 Guide Fee.......又有 Buffet & 海鮮食兼打包 "海鮮餐" 益老媽,

o甘荀嘅工去邊度揾喎!