我只知係中方嘅電訊公司招待意大利電訊參觀 CSL 總部,
行程我只負責帶佢哋遊覽 & 上山頂食飯,
我一早帶定 Netbook 唸住食完麥當當就上網,
點知隨團負責嘅小姐叫我叫埋司機同佢一齊坐另一張枱食飯,
張單入佢公司數!
點知食完飯係意大利客找數,
當 Waiter 俾張單個客時,
我睇到佢個樣好 Surprise
.....仲問係邊張枱????
我咪即時 Show Up 問 Waiter 係咪個客有問題???
其實我用意係等佢知我哋係個 "原兇"
我即時再問個女仔究竟係咪佢經理叫我哋一齊食飯,
原來個女仔只係 "理所當然" 地認為佢幫公司做嘢,
食飯當然入公司數喇!
仲話响大陸招待客户都係o甘,
即客坐一枱........職員 & 司機坐一枱!
大佬呀......呢度係香港呀!
仲要係响 Pearl On The Peak 食飯........張單幾 "甘" 至得嫁!
我聽後簡直覺得 "尷尬" 到爆!
見到班客時我唯有扮乜嘢事都冇發生過!
呵呵..算吧啦.....果一千幾百....你咪當係D客比你既貼士囉.....理鬼D人呀..佢地咪係入公司數....你估佢地會自己哽左張單咩...EASY啦..下次有咁既SO...叫埋我呀...山頂D高檔餐廳吔飯???我都未試過呀....
回覆刪除[版主回覆10/25/2009 23:09:00]o甘我寧願佢俾一千幾百我好過, 同 D 唔識嘅人食燭光晚餐一 D 都唔浪漫!
我下次請你去山頂最高檔嘅........麥當當食飽呀吓
學大嫂話, 下次有咁既SO...叫埋我呀...山頂D高檔餐廳吔飯???我都未試過呀
回覆刪除[版主回覆10/25/2009 23:22:00]下次請埋你同大嫂去山頂麥當當, 任叫.....我嘅!
咁！唔食都食左囉…！益左你呀…！哈哈哈
回覆刪除[版主回覆10/25/2009 23:31:00]講真我一 D 都唔 enjoy , 寧願食麥當當 or Delifrance
係咪用山頂夜景做餸呢? 你咪話下次請番, 不過係你原本想食嘅麥記囉!
回覆刪除[版主回覆10/25/2009 23:38:00]其實間餐廳好細, 睇夜景角度唔夠 Cafe Deco 靚
唔一定的, 我們在國內公幹, 司機等人的飯餐應該是自理的. 那位小姐似乎過份理所當然了. 不過, 國內人就是這樣, 阿公的錢就可以胡亂花費.
回覆刪除[版主回覆10/26/2009 22:02:00]平時我會同 D 客講幾時接噃佢哋! 今次係因為個女仔叫我哋一齊食, 我又唔想留低佢, 所以咪攪出呢個笑話囉!
你張單同我果啖一樣咁(籮), 不過我地既解決方法都係一樣, 當無事發生. 真係去到好高的境界.
回覆刪除[版主回覆10/27/2009 23:54:00]你 D ! 我耍太極嘅道行已經練到出神入化!
咁即係最後都係意大利客找數? 我都睇到眼定定!!
回覆刪除[版主回覆10/27/2009 23:57:00]我唸係啩 ! 我仲唔 "咋咋帝" 扮冇嘢企响門口等咩!
又真係好尷尬...... 有時食亞公, 定食自己..... 真係要攪清楚!!!!
回覆刪除[版主回覆11/05/2009 21:23:00]我最唔鍾意食亞公, 寧願自己俾錢食得舒服 D 好過!