小禮物

中秋嗰兩日雖然要開工,

但拍着 "老相好" 領隊就冇所謂喇!

嗰日行完 tour 領隊話叫我車班客去 "女人街" ,

點知有對公公婆婆想返酒店,

佢哋又唔識英文又唔識路,

話要由 "女人街" 行去 "尖沙咀碼頭" 搭船返灣仔,

見佢哋o甘講我又唔忍心由佢哋自己行,

唯有做好人陪佢哋坐地鐵返酒店!

第日佢哋就送咗呢份小禮物俾我!

雖然佢哋唔識講英文......只講咗句荷蘭文 "登 Key Well" ......即 Thank You o甘解,

但從佢哋嘅眼神中見到佢哋流露出 "感激" 嘅眼神!

呢種幫咗人嘅 "滿足感" 真係勝過任何禮物或金錢嘅回報!

右面嗰個就係我送佢返酒店嘅荷蘭伯伯