人生百態

响兩日內我總共上咗三次山頂,

唔知係咪天陰陰灑咗一場雨嘅關係,

已經唔係上兩個禮拜嘅"秋高氣爽",

而係有一種"濕涼"嘅感覺 !

我係嗰 D 鍾意企埋一角睇盡"人生百態"嘅人.

因為好多時從睇到嘅人和事之中都對我帶團有幫助.

前晚嘅山頂唔算多人,

但 D 情侶就好似去咗北極o甘,

成條"孖條"o甘黐埋一舊 !

差 D 睇錯以為係"一頭三手四腳"嘅怪胎 !

尋日又見到一大班小學生"親子大旅行",

點解我知道係"親子" ???

因為班"少爺兵"排緊隊都大大聲叫 : 媽咪乜....媽咪物 !

而 D 媽咪就好似工人o甘服侍個仔 !

唔知佢哋記唔記得自己係响街上而唔係响屋企呢 ????


之後又見到另一間學校嘅學生係o甘搜尋目標,

又"吱吱噚"你推我讓究竟邊個"郁手",

你哋估吓佢哋想做乜 ???

佢哋係做緊問卷調查兼英語會話嘅 field trip,

呢個係我個客........雖然已經夠鐘集合,

但我見 D 學生哥o甘專心去做好一件事,

我咪由得佢哋問埋至走囉 !

佢哋令我唸起幾個月前碰見嘅一班國際學校嘅年青人,

同樣都係做問卷........但佢哋做得好求其,

居然連我戴住 Guide 牌......明知我唔係遊客都問我,

佢哋話總之有人答咗......交咗就算 !

呢 D 係乜嘢嘅"學習態度"呢吓 ???

原來有 D 嘢你擁有咗係唔會珍惜嘅 !!!

正如小學生可能唔係o甘多機會同外國人溝通、對話,

所以佢哋會珍惜難得嘅機會講英文.

相反國際學校嘅學生,

每日對住嘅都係外國人,

日日都係講英文,

佢哋簡直覺得個 Field Trip 係嘥佢哋時間 !!!!

誰會珍惜當你還擁有 ??

下晝放低班客响海港城 Shopping,

我坐咗响 Marco Polo Gateway 酒店嘅 Lobby 望出街外"觀人",

見到 TVB 一隊 Crews 响度拍"實地街景",

o甘多個人我只係認得"陳山葱" & 背心友,

其他嘅應該都係"大茄",

最好笑係我個領隊掛住睇拍戲,

連夠鐘集合都唔知........要我去捉佢走 !