南丫島 - 漁民文化村

下星期我要帶團去南丫島參觀 "漁民文化村",

平時帶團去南丫島多數係夜晚去食餐海鮮餐就走. 

但今次呢個文化村連我自己都未去過,

為免到時俾客問到我 "口啞啞",

所以今日自己走咗一轉去 Look Look.

因為間 Travel Agent 已經單咗聲俾"天虹海鮮酒家"知我會去睇睇,

所以我唔使俾入場費兼有私家駁艇坐.

睇咗半粒鐘影完相就坐噃駁艇返碼頭.

我見一場嚟到咪順便當行山行去榕樹灣,

沿途風景真係好靚!

坐船返歸嗰陣仲見到好靚嘅"咸蛋黃".

呢隻私家駁艇今日淨係載我一個 !

漁民文化村

漁民文化村

浮家泛宅外之休憩區

浮家泛宅

展覽館展示一切有關漁民嘅資料.

龍舟

左面為漁民結婚服飾, 右面為平時打漁服飾

天后寶誕燈飾

古漁船展示漁民的居所, 如主人房,廚房等

主人房

不同之捕魚工具

魚筲箕

不同之捕魚魚網

漁船維修館

維修漁船之各種工具

餵魚區

睇吓餵到 D 魚幾大條

無鈎釣魚區

憑入場券可免費換竹竿縛着魚餌垂釣.

加油呀 ! 釣得起 D 魚就會免費送俾你! 但係釣到嘅機會係 "零" !

有鈎釣魚區 - $20 有３竿, 釣到可用特價購買.

靚仔用咗 10 秒就釣起條魚.... 勁呀 !

臨走記得嚟呢個漁民特產市場買 "死屍" ,品種有馬友,梅香,鱸魚等等.

如果你未去過呢個漁民文化村嘅話,

睇完呢篇 Blog 可以慳噃當去咗o家喇 !