天譴大懲罰

為咗安撫老媽失落嘅心情,

呢三日我哋陪佢"香港自由行",

日日十點零就出發......玩到六點零至返歸.

真係"早車去, 晚車返"

24-11-08  - Day 1 :

帶老媽去咗 Revolving 66 旋轉餐廳食 Buffet,

講真成日帶團去都知 D 嘢唔好食,

但以 $108 + 10% 有o甘靚嘅 views 睇就乜都抵噃哂 !

跑馬地全景

66 分鐘轉一個圈, 我哋轉咗 100 分鐘 !

响o甘嘅環境食 Lunch.........又唔使俾錢......抵 ! (我指老媽)

跟住陪老媽坐咗佢話幾十年未坐過嘅纜車上山頂.(唔通佢嗰陣坐呢 D ??)

我成日响呢 D 位置幫客影相..........團友, 望吓呢度 !

順道帶佢參觀埋蠟像館,

老媽突然興奮到跳上台大叫 : 我最鍾意嘅偶像呀 ! (點解我唔知嘅!)

我不嬲以為老媽只係鍾意華仔 !

由於老媽 & 噹媽都未去過蠟像館,

所以我今日嘅作用就係揸機幫佢哋影相.

攪到今晚係我有史以嚟最早瞓......實在太攰喇 !

25-11-08 - Day 2 :

今朝一早坐船去長洲,

天氣風和日麗,

老媽居然坐响船睇書..........嘥哂 D o甘靚嘅海景 !

我同噹媽兩個响度玩自拍,

明明陪老媽去玩,

點解好似我哋仲開心過佢 !

嚟到長洲當然扮遊客請老媽食海鮮餐 !

之後成個島行勻哂 ......再周圍去揾嘢食!

先揾到一檔好"正"嘅糕點檔,

再揾埋噹媽個仔"噹噹"最鍾意食嘅紅豆餅檔攤 !

臨走噹媽仲要嘆個 "西多士" 至走 !

真係食到 " Lam Lam 脷" !

嬸嬸响度收緊"屍" !!!

所以行到邊度都見到呢 D "死屍" !

"風之后"個雕塑!

26-11-08 - Day 3 :

今日係"赤柱大行動",

先响 "美利樓" 嘅周圍影吓相,

我影咗好多風景相, 遲 D 再 post 俾你哋睇 !

老媽最鍾意擺呢 D 50 年代 "义腰" 嘅 pose!

藝墟展覽品 !

再去 King Ludwig 德國餐廳食 Lunch.

呢個露台餐廳..........環境認真一流 !

食飽飽俾老媽做吓遊客行吓"赤柱市集",

跟住行咗去"赤柱軍人墳場",

老媽係 D 迷信嘅老人家, 只肯响門口影幅相 !

其實邊度似墳場喎 !

兜咗個圈又行咗 20 分鐘去埋"香港懲教博物館"

監獄風雲嘅發哥 ???

絞刑室 - 唔知三狼案幾個犯係咪最後幾個被執行死刑呢 ?

"打藤"刑具 - 除褲 "爬" 响度受刑 !

呢條好似係 "打藤 " 嘅辮 !

越南難民自製武器攪 "暴亂" !

眨吓眼攪掂埋最後一日嘅香港遊,

我哋拖住 "疲累" 嘅身軀返屋企,

換嚟老媽以下呢幾句 "精彩" 嘅說話 :

做乜呢幾日你哋o甘好陪我周圍去..........冇幾可喎 ??

我哋即時暈低 !!!!!!

聽日"仲要"去邊度 ?.......我想去睇戲 (老媽平時最鍾意嘅娛樂係自己去睇戲 !)

佢o甘講即係話我哋呢幾日阻住佢喇 !!!

天呀 ! 咪玩喇 !我呢幾日仲 "攰" 過返工 !

我哋都係為咗令佢開心吓啫 !

但老媽好似唔多領我哋情 !

雖然佢最後都講咗句 Thank You !

但佢............冇俾 "貼士" 喎 !