靚太唔易做

近排城中娛樂熱門話題非富豪 D 女友莫屬,

不過我當然唔會响呢度講呢 D o甘敏感嘅話題喇 !

你估我唔驚俾人告咩 !

只不過佢哋令我唸起前幾日帶嗰個"靚太",

雖然係靚 & 老公有錢,

但睇落佢一 D 都唔開心.

每次見佢同個老公講嘢都"誠惶誠恐",

好似好驚會得罪個老公.

記得行 Tour 嗰日我哋上到珠寶廠,

亞"靚太"睇中咗個玉吊咀,

想個老公俾意見,

但個老公坐响度睇都冇睇就講咗句 : 我覺得你可以自己做決定,

"靚太"好無奈講咗句令我印象好深刻嘅說話 : How much can I spend ?

其實個吊咀只值幾仟蚊......老公亦話佢可以買,

但"靚太"仍然好"戰戰兢兢",

我覺得如果一對夫婦凡事可以有商有量,

個老婆就唔會講句o甘嘅說話 !
另一次係個老公將個食完嘅朱古力袋塞响"靚太"個袋,

"靚太"叫佢掉落垃圾桶,

個老公寧願放落褲袋都唔肯掉,

睇响我眼中完全覺得係個老公唔想俾"靚太"覺得佢叫佢就做.....自己冇哂威嚴 !

到咗去機場 Check in 嗰陣,

"靚太"想坐路口位,

老公即發忟憎叫"靚太"自己問,

到 counter 個 staff 想同佢哋解釋,

老公就發悔氣話唔使同佢講......同佢老婆講就得.

响佢老婆聽緊嗰陣,

老公望住"靚太"背影再望吓我搖搖頭,

到"靚太"聽完又望住老公背影......再望住我好無奈o甘苦笑.

雖然佢哋結咗婚 37 年,

但我覺得個老公對"靚太"好似連一 D 應有嘅尊重都冇,

雖然"靚太"生活無憂,

但完全唔覺佢活响快樂當中 !

活脫脫係富豪眼中嘅"金絲雀" !

不過佢過得幸唔幸福或者快唔快樂,

只有佢自己至知道 !