沿途影咗好多相,
不過我 D 相冇攝影技術可言,
純粹 "隨心" 覺得角度靚就影.
睇相當陪我行山喇 !
唔收導遊費兼唔使俾貼士!
例牌影張地圖先
索罟灣碼頭一角
唔通索罟灣居民想學以前 D 人响縣崖肖壁 "天葬"
天后廟.......緊有一間响左近
潮退.........泥灘
泥灘一角
泥灘另一角
南生圍都有類似嘅景
唔知呢 D 係咪 "輸水管" 呢 ?
神風洞
想知乜嘢係神風洞.......自己睇...... 我懶寫
行咗大約 15 分鐘見到呢間賣民族服飾嘅藍色小屋.
亞菇都响度喎.........原來亞菇真係 "無處不在"
索罟灣全景
另一角度影索罟灣
唔知嗰處係乜嘢地方呢 ??
沿途好多呢 D 觀景亭俾你欣賞風景
呢條行山徑好靚, 所以我見到有 D 爹哋媽咪帶小朋友一齊嚟行
沿途都見到呢 D 靚景 !
周圍都見到好多呢 D 樹葉石刻
海星花 ? 聖誕花 ? 我話係 "紅毛蟲花" 就真!
三支煙囪嘅發電廠
見唔見到 10 點鐘方向有人釣緊魚
南丫島風釆發電站
對面係南區, 我成日响淺水灣望到三支煙囪 !
行到榕樹灣已經日落西山
個 "咸蛋黃" 好靚 !
我又過咗一個既充實又悠閒嘅下晝 !
我都好鍾意南丫島哩個地方.
回覆刪除不過, 我都已經好耐冇去LU
[版主回覆11/29/2008 14:53:00]揾日去行吓山, 好過去買衫 !
由榕仔行到索仔...上次如果無記錯..都幾金過喎...我最記得由索仔行去榕仔時要經過一個無樹既山頭.....晒到我丫....???亞媽都唔認得呀....腳程唔辛苦呀....係又晒又熱之嘛...下次冬天行可能會好D.....
回覆刪除不過...個漁民村??(唔記得你前個BLOG講果個名囉)...好似無咩得別喎....旦家既野...差唔係幾多既啫...不過....對D老外來說...可能覺得幾過癮既....咁.....你帶得開心D啦..食多幾隻蝦囉喎....
[版主回覆11/29/2008 15:00:00]你熱天去就緊係哂到亞媽都唔認得喇 ! 全程大約一粒鐘, 不過我又行埋上發電站至耐 D !
尋日見到好多本地團 & 學生團, 當嚟旅行都唔錯嘅 !
你嘅 trip 仲未 update 嘅 !咪o甘懶喇 !
我既遊記仲未得呀.....相同記事簿都未到晒手..所以比D時間我啦...^^
回覆刪除行一粒鐘???我上次行3粒幾喎...究竟我地行既行程係咪一樣架????
仲有...咸旦黃...真係係邊處都係咁令既...我鬼死咁鍾意佢啊~^^
[版主回覆11/29/2008 15:47:00]又俾 "欠債人" keep 住呀 ?? 即係一去冇回頭喇 !
得一條路之嗎 !! 3 粒幾鐘行埋來回都仲得, 不過你係老人家行得耐係正常嘅!
其實我影咗好多張咸旦黃, post 出嚟嗰 D 算係我最鍾意 !
呂係..今次唔關佢事...係另外一個朋友....返工之後太忙...無時間SEND D 記事簿比我啫.....所以一路約唔到會面比張SD比佢執相燒碟之嘛....我地夾埋大大話話有成...6/7..千張相...有排攪...
回覆刪除[版主回覆11/29/2008 17:44:00]呀 "欠債人" 成日俾我成 "啄" 住佢.....唔知佢有冇 "眼眉眺"呢 ?
七日影 6/7 千張相......痴線 ! 你估到時你要寫幾多篇遊記至可以 up 到你 D 精華上 Blog 呢 ??
唔駛去南丫島了... 你已經帶我地去完一轉!!!
回覆刪除甚麼都睇晒了!!!
[版主回覆11/29/2008 19:20:00]我差唔多整個行程 post 哂出嚟, 係淨在冇海鮮餐食啫 !
你都幾好嘢喎
回覆刪除由日出開始影相影到日落
我就學唔到你呢種不朽精神嘞
[版主回覆11/30/2008 00:15:00]冇o甘誇張 ! 我兩點幾去到五點幾啫 !
上次我同噹婆參加屋村團,因為佢唔想行,所以邊度都無去過,完全見唔到神風洞藍色小屋之類既野呀!
回覆刪除[版主回覆11/30/2008 11:09:00]係向榕樹灣方向行大約 20 分鐘至見到 !
YES! 同意..HAHA
回覆刪除[版主回覆11/30/2008 13:35:00](Empty)
好舒服的一個下午呢........
回覆刪除[版主回覆11/30/2008 23:10:00]你返嚟我陪你行呀吓 !
影完我都覺自己有D痴...可能用數碼機關係..就不停咁影....好記得以前...兩三年前咋....仲有帶菲林機....至多咪影十令筒菲林..點似而家咁....痴晒線咁...唔識停.....唉...數碼世界係咁架啦....
回覆刪除[版主回覆11/30/2008 23:07:00]其實係咪有 D 搵自己笨呢 ?? 到時要搵噃 D 靚嘅都有排搵 !
回覆刪除這樣相和最下面那幾張風景相都影得好靚呀！
[版主回覆11/30/2008 22:58:00]多謝 ! 我都係隨心而影 !
回覆刪除好靚 , 好舒服
[版主回覆11/30/2008 22:54:00]我都好耐冇試過咁悠閒咁欣賞日落 !
這個地方似層相識,兩年前返香港時去過,但就冇行到去榕樹灣咁遠,因 book 咗枱食海鮮,唔知要行幾耐,索罟灣行去榕樹灣一粒鐘得喇咩 ,見你行到天黑咁濟!
回覆刪除[版主回覆11/30/2008 22:51:00]我三點幾至開始行, 又停低影吓相, 觀吓人, 所以好似行咗好耐啫 ! D 日落相係我五點幾上咗船後至影o家 !
d相影得好靚，勁wor!
回覆刪除[版主回覆12/01/2008 00:18:00]多謝你欣賞 ! 我都係"隨心"亂o甘影咋! 完全冇攝影技術可言 !
我好似細個時行過下，唔記得喇!
回覆刪除實在太n年無去了。哈~
[版主回覆12/01/2008 11:30:00]話個秘密你知, 唔係今次 "因利乘便", 我都未試過由索罟灣行去榕樹灣 !
下次去HK,一定要去一次南丫島!真的好純樸阿!
回覆刪除[版主回覆12/01/2008 16:36:00]香港仲有好多郊野公園都好靚 !
藍色小屋,賣嘅係乜野民族服呢?
回覆刪除[版主回覆12/02/2008 09:32:00]鬼佬最鍾意嗰 D "麻質" 質料嘅衫褲飾物 !!!