PK

今日開 tour 嗰陣發生咗一段小插曲,

當我哋去到黃大仙露天停車場嗰陣,

司機哥哥啱啱停低車,

突然有個伯伯跌响我哋架車面前,

事先聲明唔係我哋撞倒佢.

我落車見到伯伯滿面滿咀都係血,

我等 D 客落哂車之後即刻叫司機哥哥報警,

由於已經有途人幫手,

所以我繼續帶 tour,

半個鐘後我返噃案發現場,

我望見伯伯"棟"住支拐杖好蹣跚o甘離開,

當時伯伯成塊面得五分一近眼位置係冇封住紗布,

我奇怪點解 D 救護人員會俾佢走,

原來係伯伯好頑固o甘堅持唔肯去醫院.

就係因為有"人權",

所以佢哋唔可以迫伯伯入醫院,

唯有好無奈o甘睇住伯伯走囉!

最攪嘢係司機哥哥話我知,

有人以為係佢撞倒伯伯,

圍住佢唔俾佢開車走,

經佢解釋伯伯係自己"PK"唔關佢事,

佢仲好心幫手報警,

o甘至唔使俾人"揼"咋!

總之希望伯伯冇事喇 !