尊重

前兩日酒店話想每個部門都認識酒店嘅 Market Tour,

所以專登叫我哋帶餐飲部同事行一次.

見到嗰班妹妹仔 & 哥哥仔,

我第一句就講 : 响呢區你哋可能熟過我,

亦冇興趣聽我發嗡風.

今日大家出現响呢度都係為咗交代.

所以我只會簡略講呢個 tour 嘅特點,

同埋每個 check point 我會講乜.

佢哋個個應該係放工後被迫參加呢個 "工餘活動",

所以都 "無可奈何" 咁跟我行.

行到去街市已經唔見咗一半人,

因為佢哋當正自己行緊街.....一路行一路傾,

完全冇理過我行咗去邊.

到我停响度等班妹妹仔,

嗰班哥哥仔就响度買指甲鉗.

去到地鐵我問佢哋跟唔跟 routing 行過去女人街,

佢哋即時話唔使.

當然咁鬼熱我都唔想行喇 !

我咪快快趣講完後問佢哋有冇問題囉 !

有個妹妹仔幾快手就問咗一個,

不過佢係問佢同事而唔係問我,

佢問我哋一陣去邊度食嘢好呀 ?

死未 ??

佢同事就醒嘞.....佢答 : 你尊重吓人哋喇 .....人哋都未話 dismiss !!

唉 ! 呢 D 就係依家年青人嘅態度.

你有你講....佢有佢傾,

完全唔會理其他人嘅感受.

我哋呢輩雖未至於好好,

但起碼識 "尊重"呢兩個字,

究竟佢哋知唔知 "尊重別人等於尊重自己" 呢 ??????

我唸......佢哋都係唔知嫁喇 !