疲勞轟炸

本來今日要開個 full day tour,

就因為 8 號風球而取消咗 !

唸起都好彩,

尋晚送走咗班"搖頭黨"

如果係尋日掛嘅話,

我肯定俾班"搖頭黨"煩死.

我絕對冇"種族歧視",

只不過唔鍾意佢哋 D 唔理其他人嘅 "習性".

佢哋除咗鍾意 "遲到" 之外......最鍾意"每事問",

仲要係問完又問.....再問都係問同一個問題.

你幾好耐性都會俾佢問到 "炆".

尋日因為佢哋夜機走,

所以車咗佢哋出尖沙咀 shopping 之後再送佢哋出機場.

我講到明架車六點 "準時" 開唔會等,

遲到嘅話自己搭車出機場.

五點九我到集合地點已經見到好多人返咗嚟,

跟住就 "車輪轉" o甘埋嚟問我 :

Where is the bus? Where is the bus ? Where is the bus ? Where is the bus?

簡直係 "疲勞轟炸"兼煩到你嘔.

我答佢哋唔好再問......總之架車六點就會到.

由於 D "搖頭黨"最鍾意喺你講嘢嗰陣佢哋就唔聽,

你講完佢就即刻問噃你講乜嘢 !

所以我上咗車即刻扮 "黑哂面" 叫佢哋聽清楚關於 Check in 嘅程序,

我只會講一次,

如果你哋問噃我講過嘅資料,

我係唔會答你!

果然呢頭講完即刻真係有人問......吹爆 !

我亦 "寸爆" 話我講咗唔會答!

跟住我就 "笑笑口" 話由呢刻開始我會改名唔叫"小導遊",

如果你叫我個名我冇 "啋"你,

千祈唔好覺得我冇禮貌.

就係 o甘 我就 "緩和" 咗頭先我 "扮黑面" 嘅氣氛.

到咗機場佢哋又 "故態復萌",

好似蜜蜂o甘响我耳邊嗡嗡嗡.......問過唔停,

我只叫佢哋擺低 passport & 坐埋一邊唔好問.

有 D 仲 "鍥而不捨" o甘叫我幫佢哋攞 window seat,

你估吓我點答佢哋........

我指住機場窗口嗰一大排坐位,

話呢度大把 window seats,

你哋鍾意坐邊個位都得,

攪到連幫我攪緊 Check in 嗰個靚仔都响度笑 !