淺水灣幾時都係o甘多人
尋日帶住一家四口(兩個小男孩)去到淺水灣嘅天后廟,
循例講解吓 D 佛像,
當我講解"多仔佛"嗰陣,
我對住個媽咪講話如果你想生個囡囡,
不妨摸吓個女仔頭.
但我就唔會做示範俾你睇!
點知個媽咪灑手兼擰頭,
佢話已經有三仔兩女,
乜都夠哂數.
我即時 "O"哂咀 !
我一直以為佢哋一家得"四口"咋 !
媽咪話因為最細嗰個囡囡得 5 歲,
所以今次至唔帶哂佢哋一齊嚟 !
我心唸乜呢個年代仲有人生o甘多細路嘅 !
而且佢兩公婆睇落好後生似未夠四張,
真係勇氣可嘉 !!!
佩服佩服
記得以前家計會有句 slogan :
一個嬌, 兩個妙, 三個吃不消, 四個斷担挑.
等我依家幫佢加多一句,
五個眼淚標!!!!!
d 外國人真係生好多個架,有時喺街見到個媽咪已經推住個 BB,但佢個肚又已經鑼咁大喇,雖然政府有 child benefit 幫補吓啫,但你估唔駛教咩,真係唔明佢哋點諗嘅!
回覆刪除[版主回覆08/22/2008 11:28:00]外國人又冇香港人o甘緊張嘅 !覺得天生天養啩 !好似 D 細路學行,香港人驚佢跌親,外國人就覺得唔跌唔大 !
hehehe..
回覆刪除[版主回覆08/22/2008 11:22:00]你笑佢哋o甘儍生o甘多呢 ???
哈哈.. 五個眼淚標 !!!!!
回覆刪除[版主回覆08/22/2008 13:17:00]激到"一殼眼淚"嗎 !
外國人一向都鍾意多細路架,如果香港人,真係生三兩個都勇氣可嘉呀
回覆刪除[版主回覆08/22/2008 13:14:00]俾你就一個.........都"嬚"多 !
哈哈~呢D外國大家庭我日日都見唔少....佢地真係好過癮過喎~好似唔使教咁..就咁放佢地周圍走周圍爬..唔鬼驚污糟過喎~我公司地氈睇落好干淨..實質...污糟到得人驚....佢地就係咁放D嚫仔..BB落地任佢爬...任佢地反我地既垃圾桶..幾鬼嗱渣..次次都係我地抵唔到頸..抱起D小朋友...D亞亞媽就掛住攪佢D地野...真係咁都得...
回覆刪除總 之大大細細大家6、7口...將我OFFICE企到滿滿..好攪笑...不過...D小鬼仔個樣真係過癮D..好令..好好玩就真...
[版主回覆08/22/2008 16:56:00]我記得响英國見過一個 3 歲小鬼响貨車爬上爬落,跟手跳埋落嚟,我都"嘩"咗一聲,但佢亞媽望住都"無動於衷", 個小鬼喊咗幾聲就繼續玩 !所以爬地氈,攪垃圾桶呢 D 濕濕碎 !
喺咪本地人來架 ?
回覆刪除[版主回覆08/22/2008 16:48:00]係美國人呀 !
可能美國有政府養
回覆刪除佢哋就算生10個
但10個都唔駛自己養
唔似得香港政府咁
一味叫人生多啲
但係又唔俾津貼人養仔喎
[版主回覆08/23/2008 23:49:00]攞綜援嗰 D 咪生得最多囉 !越多細路就越多津貼 !佢哋覺得天生天養唔使教 !最緊要依家自己有錢使 !