撑杆朗拿度

做咗導遊o甘多年,

都係第一次接觸到奧運選手,

當然多得奧運响北京舉行,

如果唔係點會有選手途經香港喎!

今日去信德中心接個客,

佢係由巴西嚟嘅"撑杆跳"教練,

因為支杆有 6M o甘長,

所以佢唔可以坐船由澳門直接去機場.

運送呢支杆都幾大陣象,

我要揾三個 porter 搬支杆落去停車場,

仲要用架 49 座位嘅車至載得到....因為支杆太長!

响車我猛"撩"個"撑杆朗拿度"傾計,

知佢未嚟過香港,

我仲送咗張"攝影小王子"影嘅山頂靚相俾佢做紀念!

而我落車前同佢影咗張相,

佢攬我呀 ! 你睇我幾陶醉 !

仲講笑話如果你個 Team 嬴咗金牌,

我呢張相就值錢喇!

Check in 嗰陣 Airline 話要我哋抬住支杆去貨運站作 security check,

好彩佢話派三個靚仔幫手啫!

而我當然就......唔使郁手喇 !

因為支杆成 20 kgs o甘重!

沿路三個哥哥仔搬到上氣唔接下氣,

但亞"撑杆朗拿度"就托响膊頭連手都唔使扶,

可能佢托慣.....所以對佢嚟講一D難度都冇!

今次呢轉 order 都算攪得耐,

由碼頭到機場到 Check in 到抬支杆去貨運站差唔多攪咗兩粒半鐘,

不過都算係一個寶貴嘅經驗!