就見到呢個畫面......
兩個人似打緊架......响度互相推撞 !
跟住就聽到.........
咪走呀 ! 企响度 ! 捉住佢 ! 打荷包 !!!
然後一個男人被人推落地 !
起身又企圖再走......再俾人推落地......
D客問我乜嘢事????
我咪話好似係"打荷包" !!
雖然我 "八卦" 想睇落去....
但作為一個 Professional 嘅 Guide........我冇理由咁做 !
唔通叫 D 客一齊睇"捉賊" 好過睇"風景"咩 !
所以唯有錯過呢個捉賊嘅塲面 !
十分鐘後我返去案發現塲,
已經有警察到咗......
有個商塲"食蕉" 成手血,
原來佢係勸捉賊嘅人唔好打個賊,
D 血係個賊仆响地下擦傷而"揩"咗落個 "食蕉"度,
最後仲出動埋"救傷車".
聽講個賊偷咗個韓國人嘅銀包,
攞咗 D 錢就掉咗個銀包响花糟,
咁啱俾响山頂賣紀念品D人見到咪嗌囉 !
呢件"小插曲"令我唸起........
兩年前同細妹响花園街行街,
大家一直並排而行,
我只係停低唔夠10 秒, 佢行前我唔夠五步,
就已經俾"扒手"扒咗個電話,
佢即時發覺有個越南妹鬼鬼祟祟企响佢隔離,
我細妹搭住個越南妹膊頭問佢做乜偷佢電話 ?
佢當然唔認喇 !
但個眼神就望緊個同黨走咗未 !
當我話報警佢就即係跑.....
我細妹沿途大嗌"搶嘢", 但"冇"一個途人幫手,
我又唔知點解咁"神勇",
追咗佢大約十個檔攤,
伸手拉住佢件外套,
一個箭步向前再加個"擒拿手",
粹之推低佢响地下.
嗰陣我至聽到 D 小販响度講話佢哋日日都响度"揾食",
衰得佢哋吖 !
明知佢哋响度揾食,
我哋嗌搶嘢都冇人幫手 !
應該一齊出嚟"窩"佢吖嗎 !
原來個越南妹嘅"偷竊底"厚過本電話薄,
最終佢認罪搏減刑,
判咗九個月.
相同嘅事件....唔同人就有唔同嘅態度 !
有人選擇幫忙......亦有人選擇袖手旁觀,
你又會點呢 ????
後話 :
個電話係舊款西門子,
賣咗都唔值五十蚊,
今次佢真係"偷雞唔到蝕渣米" !
F
回覆刪除