手語

今朝坐纜車嗰陣見到一班用手語嘅聾啞遊客,

而個導遊又係我識嘅,

即時好有興趣想知佢係咪用手語同D客溝通 ????

原來隨團有兩個識手語嘅工作人員,

好似報新聞咁用手語表達導遊所講嘅資料 !

佢話做呢個團比平時辛苦,

因為要控制講嘢嘅速度,

太快個工作人員會叫你慢D講多次,

太慢佢又停响度望住你,

總之就要花多D精神同時間.

由於佢哋聽唔到,

所以酒店要用個特別 D 嘅方法幫佢哋做 Morning Call,

就係 House Keeping 嘅 staff 會用 Master Key 開佢哋度門,

然後拍醒佢哋,

再俾張紙佢哋睇話佢知呢個係 Morning Call.

另一方法就係不斷又開又熄房間D燈,

等整醒佢之後又係話佢知呢個係 Morning Call.

我聽完雖然覺得幾攪笑,

但呢兩個都係一個好方法.

大家仲有冇唸到有其他方法呢 ??

不妨講嚟聽吓, 等大家一齊分享吓 !!!!