Morning Call

尋晚收工返到屋企差唔多一點,

唸住今日 Day Off 瞓晏Ｄ.

點知未夠十點就俾個 Morning Call 嘈醒.

原來酒店打嚟話我個客問點解佢哋明明 book 咗 Renaissance Harbour View Htl,

但依家變咗住 Renaissance Kowloon Htl 呢 ???

我點知喎 ???

次次都係唔使開工嗰朝俾D"無厘頭"電話嘈醒.

我即時call 個 Manager ,

佢 check 噃大陸嘅 e-mail ,

只係講 Renaissance Htl,

冇講係 Harbour View 定 Kowloon.喎 !

我哋有 confirm 話會 book Kowloon 嗰間,

所以"錯"不在我哋.

大陸個 agent 又話要問過 Holland 嘅 Agent 睇吓邊個出錯,

總之响呢個 moment 就冇人肯負責喇.

我唯有安撫個客,

聽日 office 開工就即刻幫佢 check,

個客本應堅持話一定要搬去 Harbour View Htl,

我答佢未得到有關 Agent 答應負責呢筆費用前,

你要住唯有你自己俾錢先, 返去再向 Holland Agent 追討.

佢答咗我一句 : I am so disappointed !

我夠 disappointed 咯!

 唔可以瞓到三點 ! So bad !

聽朝仲要同佢哋行個半日 tour,

肯定要"硬"食佢哋 D "冷言冷語"兼俾佢哋"疲勞轟炸".