永遠懷念你

今天是姨婆的尾七

以佛家之說姨婆已化身老菩薩往生西方極樂世界拜佛

其實姨婆患病已一年多.....藥物對她冇咩幫助

好彩姨婆一直都沒有大痛楚

只是冇咩胃口亦食得唔多

我差唔多三幾個禮拜就會過澳門探她.....陪她食飯傾計

每次我走時姨婆都送我出門口......在門內依依不捨咁睇住我走

直至最後一次我探姨婆係她走前一個月

因為冇胃口食唔落令她身體比較弱

我見她行路時雙腳冇咩力......連坐低時都好似跌坐咁

今次到我走時佢冇起身送我

我就知她已越嚟越虛弱

而今次她病發得好突然

舅父仔話入院後頭兩日她仲可以自己坐响床食粥

只隔咗兩日情況突急轉直下

開始進入昏睡狀態

那時我剛做緊 party 走唔開

既擔心又無奈......心裏不斷祈求姨婆要等我

那日雖然零晨四點開工......都唔理自己有幾攰

收工即同老媽搭船過澳門

雖然姨婆已經不在清醒狀態

但我清楚記得响我叫佢嗰陣

她笑了出來同埋豎起手指公表示知道我嚟咗

姨婆嘅狀況一日比一日差

身體機能已慢慢衰竭

但最後都昏睡咗一星期至離開

唔知係咪人大咗越唔怕接觸死亡

我睇住姨婆嘅心跳機同呼吸機停頓

幾唔捨得都知道我最親最親嘅姨婆走咗

我忍住眼淚親吻咗姨婆嘅面同額頭向她告別

慶幸姨婆冇受痛楚折磨.....

只係好似瞓著覺咁安然離世

我成日都會唸起細個時放暑假同姨婆一齊生活嘅點點滴滴

我知道姨婆永遠住咗响我心裏面

姨婆.......祝願你在西方叧一世界開心拜佛

永遠懷念你