今日抽起條根想玩煮飯仔
即刻起動去街市買餸
豆腐 $4 , 豬肉碎 $5 , 豆卜 $4 , 鯪魚肉 $8 , 苦瓜 $4.5 , 紅菜頭 $1 , 冬菇 、木耳、素肉粒 $5
全部材料總共 $31.5
麥片蒸肉丸 .....估唔到麥片加埋落 D 豬肉度味道都唔錯.....小咗啖啖肉嘅油膩感覺
鯪魚肉釀豆卜
豆豉蒜蓉炒苦瓜素肉碎
紅菜頭酸辣湯 - 紅菜頭豆腐 , 木耳 , 冬菇 , 素肉碎
大家一定好奇怪我嘅酸辣湯點解會落紅菜頭.....
因為放工時見到走鬼檔嘅賣菜亞姐
我買兩棵油麥菜同兩個紅菜頭
亞姐俾夠三個兼搭多個好大嘅紅椒俾我都係收 $10
我見有個紅菜頭好細兼有 D 皺皮
所以咪切咗佢嚟加落煲酸辣湯度囉....哈哈
兩人食三餸一湯.....連飯都冇煮.....
除咗湯同苦瓜......豆卜同肉丸都食剩一半
你好,我是媽媽,看了你兩篇大展厨藝的網誌,覺得你很喜歡用紅菜頭這種蔬菜,煮熟後顏色紅彤彤的像飲紅色水一樣,這類蔬菜是否很好吃和有益呢?
回覆刪除你好本領呀,使用31元便有三餸一湯,簡直是頂呱呱的慳家(主煮)婦啊.
紅菜頭有排毒功能,亦是很有益的食物
回覆刪除我都係有時間的時候玩吓啫....haha