我和你的第一次之 Egg Benedict - 修定版

朋友 S 厭我篇 blog 寫得太優雅。。。叫我改得口語化 d 喎。。。所以唯有改為呢個修定版

朋友 W 約我哋去佢度踩單車兼話要煮九大鬼俾我哋食

佢既買咗麵包蟹，又話要煮喇沙, 牛油煎帶子, 煎台式香腸，仲煮埋咖哩薯仔蒜蓉飽

煮咁多嘢 3 個人根本食唔哂

但朋友 S 係都話要食 Egg Benedict

仲問我識唔識整。。。

我小導遊冇嘢叻。。最叻係吹水唔抹嘴。。當然話冇問題啦......

其實我從來未整過....食到你肚痾唔好賴我。。。 哈哈

S 話佢其實唔知咩嘢係 Egg Benedict......亦從來未食過

只係睇 "衝上雲霄" 時聽到亞法拉話要去法國食 Egg Benedict

所以就上網 check 吓究竟佢食咩。。。

因為 S 最鍾意食半生熟蛋.....所以咪問我識唔識整囉

嗰日仲專登去買咗兩盒唔同蛋味嘅日本雞蛋俾我整

我唯有硬住頭皮咁獻出我嘅 "第一次"

仲扮到懶勁咁話整蛋前要先整 "荷蘭汁"

我嚮呢度當然唔會 "班門弄斧" 教大家點樣整.....因為我都係上網偷師學

我只係想寫低呢篇網誌同 post d 相上嚟留個紀念

不過整 "荷蘭汁" 時好攪笑

我用牛油當奶油。。唔記得買檸檬就用 W 屋企後山摘嘅桔仔當檸檬

試味時酸到亞媽都唔認得。。仲簡直覺得酸到苦添 

D 蛋同牛油又發極都唔夠杰

最後我出茅招。。加咗 d 蛋黃醬落去攪

再試味時都係覺得味道怪怪哋

好彩整好隻蛋時加埋落個 muffin 度切開連蛋汁一齊食 d 味道又唔錯喎

最緊要係 S 都話 ok

佢未食過人哋 d 大厨整到幾好味。。當然覺得我整得唔錯啦。。真豬。。哈哈哈哈

但係咁都好。。。起碼唔使令佢嘅 "第一次" 白白俾我糟塌咗.....哈哈

 

 

 

 

 

 

是否似模似樣