千里走單騎 - 高雄單車遊 - Day 1

18-08-2013
上兩星期同兩個朋友快速去咗轉高雄踩單車

第一日即刻同朋友再去 "橋頭糖廠"

不過今次我哋係踩單車......比起上次 "行" 去參觀舒服好多

仲踩咗去上次冇去過嘅 "文化創意區"

雖然已嚟過呢度一次.......依然有新鮮感

台灣租單車好抵......NT100  (HK$27) 就可以租一日


等我唱噃首.....大眾踩單車郊野上先

 

唔使行.....好快踩到嚟製糖工場入口



三個茂利自拍咗張 "懶型" 嘅相



其中一個朋友未嚟過.......所以再陪佢入去空罝嘅廠房



唔知係咪天氣太熱.....入到嚟呢度覺得冇空氣.....有窒息嘅感覺

朋友都話覺得好陰森......唔通係鬼節嘅關係.....所以我哋影完相就急急步走噃出嚟

出咗嚟吹吓風即刻醒神哂........繼續踩



途經見到好多呢類 "防空洞"

 

周圍環境都好舒服.....天空又藍又靚



呢個 "十鼓橋糖文化創意園區" 係我哋上次冇嚟過

台灣對推廣創意文化不遺餘力......所以周圍都見到藝術作品

甚至好多建築物都畫滿 "塗鴉" 作品



我哋用呢碌塔做背景都玩咗成粒鐘



三個懶型的 "冒 Del"



我係 Cool Guide.......如果差錯腳就變仆 Guide


呢個 pose 夠 "創意" 啦啩



家長指引 ; 圖中相片飛人經長期訓練......小童切勿模仿



點解上次冇見過有呢間 "豬仔文物館"

館內展示全部都係一個女仕响世界各地搜集同豬有關嘅擺設

而糖廠曾經養過豬.....所以那女仕決定將所有擺設捐出來供大眾欣賞

 

呢隻豬仔碟好攪鬼..... 真係咩豬都有

又踩又飛又跳......食噃杯紅豆雪花冰消吓暑先

呢度嘅枝仔冰應該好出名.....我哋見 D 台灣人一盒一盒咁買走

我哋唔執輸都食噃支

百香果好香.....但芋頭就唔夠高雄車站內那間咁好味
踩完車見時間尚早......我哋三傻又响美麗島捷運站玩咗一輪



help please



好彩冇跌落去



做咩要推我落去....

玩到咁上吓我哋搭捷運去到凱旋站搭免費穿梭巴士去咗最新開幕嘅 "金鑽觀光夜市" 同埋 "凱旋觀光夜市"



金鑽觀光夜市佔地約六千六百多坪...........整區夜市共計七百六十個攤位



金鑽特色在有一個五星級洗手間......幾 open, 真係見到 D 男士在小解



至於凱旋觀光夜市就佔地九千多坪.......共計一千個攤位號稱全國最大

夜市檔攤用紅、藍棚架一列排開.........用高雄路名一心、二聖、三多一直到十全......作為店家的指路門牌

至於小食檔就大同小異......蚵仔煎、臭豆腐、大腸包小腸、串燒、平價鐵板烤豬腳、大腸蚵仔麵線、甜不辣、臺南仔麵、潤餅、燒仙草、東山鴨頭、肉圓棺材板、珍珠奶茶、愛玉、各式果汁、蔥油餅等應有盡有

而我哋試咗嘅都係雜誌推介嘅美食

燒小丸子

 

呢檔嘅鹵水雞腳係最好味亦最多人幫趁

 

呢間就係雜誌推介嘅一哥黃金麵線煎

其實只係淥熟咗個麵再煎脆佢......唔覺有咩特別

 

呢支寒天 Q 棒有好多唔同味道.....我哋試咗益力多味....酸味味....正

 

另一推介.....炸蛋小子.....我都唔知裏面有咩材料....只知中間加咗隻蛋

 

你問我就.....成口油同粉漿......一 D 都唔覺好食囉



好可愛嘅熊貓同豬仔飽.....係紅豆同蓮蓉餡料

朋友要試呢個推介嘅酥炸大魷魚.....好熱氣食完喉嚨即刻好乾

佢仲要食完至知雜誌推介讚好嘅唔係呢檔

夜市咁鬼熱.....响呢度食壽司會唔會食物中毒

咩嘢係漂浮楊桃冰......咪係响杯楊桃冰度加個雪糕球囉

 

大雄 : 呢度冇叮噹豆沙餅.....不過有豬頭豆沙餅....買唔買俾噹噹做手信呢



我最鍾意食嘅捲餅.....主要係蔬菜餡.....賣飛佛

其實呢兩個夜市同其他夜市都係差唔多.....我哋都係睇多過食

但唔去過夜市總係覺得等於冇去過台灣吖嘛

 

 

待續......................