高雄小琉球之旅 - Day 5

15 - 04 - 2013
經過尋日 10 公里長征台南之後.........大家死咗半截

所以今日冇特別 plan 去邊.....只一邊食早餐一邊睇旅遊書

第一站去咗近 "中央公園捷運站" 嘅 '玫瑰聖母堂"

中央公園呢個站嘅設計成架 UFO 太空船

行咗大約十五分鐘至搵到呢間 "玫瑰聖母堂"

呢間教堂建於 1859 年..... 係台灣第一座天主教堂

亦係亞洲三大聖堂之一.....而家已經被列為 3 級古蹟

 
教堂 "內" 玫瑰聖母像嚟自西班牙玫瑰省.......超過 140 年歷史

唔知教堂 "外" 呢個又有幾耐歷史呢

逗留咗一陣我哋再搭捷運去 "西子灣站"

打算參觀 "打狗鐵道故事館".....唸住睇吓高雄鐵路歷史

可惜撞正休館日睇唔到 "歷史展覽室"

好在仍然可以去到 "軌道展覽區"

呢架係台鐵 DT609 號蒸氣火車......1922 年响日本引進

一直用到報廢為止......係同類型號唯一倖存者

呢架咁似大陸嘅廣州直通車嘅

冇幾何可以咁樣瞓路軌......點都要試吓

展覽區旁仲有呢 D 由火車拆落嚟嘅廢鐵、零件砌成嘅藝術品

Supergoo : 個喼好大呀

Supergoo : 我唔係廢物.....唔好擺我响度....help

Supergoo : 等我唱噃首 "鋼鐵是怎樣煉成的"......我變做了鋼鐵但未完全勝利....∮∮無人晚上會記起

 

等我玩吓捐山窿先

呢度將 D 貨倉改建為藝術展館

 
展覽館作品

仲將個個貨倉都畫得好靚

我哋入咗室內參觀....見到個藝術家幾聚精會神响度畫個藝術巨人

佢哋全部一對對......顏色同都 pattern 都襯埋

我個 "蘿" 點擺都唔夠個巨人大

 
沿途不斷見到呢 D 巨人

原來由鐵道故事館行吓行吓可以行到去駁二藝術特區

"駁二" 其實係指第二號接駁碼頭

呢度建於1973 年, 以前係鹽埕商港嘅倉庫...多數係儲存魚粉和砂糖....之後就一直荒廢.

直至政府推動嘅社區營造計劃中....逐步邀請到一 D 藝術家進駐

至可以為以前嘅倉庫改頭換面......而家仲成為高雄著名嘅藝術區

噹噹 : 唔知呢個係咪台灣高達呢

 

原來勞工博物館都响附近......可惜今日又係休館日.....唔係我一定會去參觀

再行多唔夠 15 分鐘原來已到香蕉碼頭

60 年代台灣盛產香蕉.....曾經每年為台灣賺超過 6 千萬美金外匯

當年嘅香蕉都係响高雄出口.....出口前都會堆放响棚架內

而家呢 D 香蕉棚已經改建為休閒觀光區
 
佢哋係香蕉碼頭代言人......阿力和阿嬌

响香蕉碼頭內有一個介紹香蕉歷史嘅 "香蕉碼頭故事館"

故事館介紹 咗 50 -60 年代台灣香蕉貿易輝煌時期

亦有簡介當年蕉農同埋碼頭苦力嘅工作情況

 
香蕉有好多品種同功效.......真係點只香蕉咁簡單

 
原來當年做蕉農可以搵到好多錢

蕉農回憶當年六條香蕉嘅收成已經夠造一套西裝......咁誇張
 
仲有蕉農沾滿香蕉汁嘅工作服就等於身份嘅象徵....因為割一串香蕉大概賣一,兩百元左右

件衫越多香蕉汁即越有錢
 
香蕉農嘅肥料車

 
蕉農嘅家居

香蕉碼頭隔離就係高雄著名臨海旅遊區 ~ 漁人碼頭

沿途都係露天餐廳同酒吧 .......相信夜晚一定好熱鬧 

等我 SuperGoo 响度嘆噃杯先

真係有旅遊船响度上岸

响度望住個海 hea 咗半粒鐘就唸住早 D 去多兩個夜市掃街

搭捷運返三多商圈站.....路過一間日式裝飾嘅餐廳......侍應响度派傳單

原來係旅遊書都有介紹嘅 "無老火煱"

"無老" 個名係嚟自日本岐埠小村嘅 '無老婆婆"

創辦人陳世明去日本用咗 3 年時間向"無老婆婆" 學習源自明治時期造豆腐嘅手藝

承繼咗失傳多年嘅 '冰淇淋豆腐"

NT150 一位包每人一粒冰淇淋豆腐同埋任食腐竹豆腐和鴨血......一個字 - 抵.....仲等咩呀

D 湯係用豬骨豬蹄清蒸去油.....再用獨家配料同母雞煮八個鐘頭

D 湯好似牛奶咁呈乳白色.....即係 "無老婆婆" 口中嘅 "美顏白鍋"

睇吓噹噹同 SuperGoo 流哂口水

足哂材料.....成枝人參

呢粒好似 "米田共" 嘅就係 "冰淇淋豆腐"

我哋只加咗蛋餃同豬肉片.....剩食豆腐都已經好飽

每張檯都有 4 樽湯頭俾人客自己加湯

D 湯真係好甜又唔油膩.....仲飲到有膠質嘅質感......兩句講哂 ~ 抵同正

食飽仲送兩大樽水蜜桃乳酪......甜甜酸酸......好好味

埋單每人唔使 HK80......真係抵到爛

因為好飽......所以我哋仍然有去行興中同自強夜市當做運動消化吓但冇食嘢

但之後返到去六合夜市個肚已經有空間俾我哋......繼續再食

待續..................