今日係我哋 "Hea 之旅" 最後一日
食過早餐我哋就搭捷運去 "橋頭糖廠"
糖廠响 1999 年已經停產
而 2002 年經 "高雄市政府" 公告為 "法定古蹟"
荒廢咗嘅糖廠外貌
呢度好似 D 電視劇拍綁架槍戰嘅地方
而糖廠而家亦變為一個休閒觀光嘅好地方
團體機構甚至可以預約嚟糖廠乘坐小火車參觀
廠區亦會安排 "導賞員" 解說糖廠嘅發展歷史
呢度大部分嘅建築都充滿日式風格
仲供奉咗觀音响呢度俾當時嘅員工參拜
周圍亦掛滿 "祈福" 嘅木牌
呢個 "鐵園迷城" 係由糖廠廢棄設備再生嘅 "裝置藝術群"
園內有詳細介紹各種零件....好多藝術群都造得好精緻好靚
參觀完 "鐵園迷城" 後仲見到有個 "向日葵花田"
呢朵向日葵仲大過 "小菇囡" 個頭
我招積噹都唔執輸影噃張相先
行咗半朝鬼咁肚餓....食杯雪糕後就搭捷運去搵食
朋友睇咗旅遊書介紹呢間 "金城鴨肉麵" D 鴨好好食
鍾意食咩自己隨便點....有侍應姐姐幫你攞埋枱
我哋一人叫咗一碗鴨肉麵之外....
我仲點咗鴨頭、鴨頸、鴨腳等等......味道又真係唔錯喎
食完嘢仲去咗轉 "家樂福" 買手信至返民宿攞行李預備去機場
响 "高雄車站" 坐捷運去機場都唔使 30 分鐘.....真係話咁快就到
呢個係舊 "高雄車站"....就响新車站隔離
話咁快六日五夜 "高雄墾丁遊" 就完結
今次亦係我寫 "旅遊 Blog" 最耐嘅一次.....足足寫咗一個月至寫完
話明今次係 "Hea 之旅" 當然我就 Hea 住寫啦
多謝大家嘅耐心捧場
希望好快又可以再寫 "旅遊 Blog" 啦.....ByeBye
這輯遊記不錯,相片拍得很美,景物介紹非常詳盡, 正
回覆刪除[版主回覆04/12/2012 09:47:11]多謝.....寫得詳細係想第日記得自己曾經去過邊度玩
有隻叮噹喺度，好似睇緊千奇百趣咁
回覆刪除[版主回覆04/17/2012 23:15:13]有幾怪....夠童真至啱
你d遊記寫得好快手啦，我個d全部要delay 2個月至1年不等
回覆刪除[版主回覆04/17/2012 23:17:05]咁似我個 Blog 友 lesliewinki 嘅....佢 D 遊記又係唔知 "游" 咗去邊
多謝分享.真係好唔錯遊記,期待會係我下次的旅程.
回覆刪除[版主回覆04/23/2012 20:23:23]我都想....不過而家 in-bound 開始忙, 冇理由唔開工去玩 :-P
[鱆魚回覆04/23/2012 01:13:50]多謝!!!!我都期待你,快d又有新的一篇旅遊blog給我們分享.
[版主回覆04/23/2012 00:40:02]咁預祝你下次有個愉快嘅旅程 ^^