出街食飯就算去 "大家樂" 最平都可能要三、四十蚊
咁究竟用三、四十蚊可唔可以煮出 "三餸一湯" 呢 ?
最後我哋 "興致勃勃" 話要嚟個 "大比併"
所以尋日我用咗 $34 煮咗 "三餸一湯"
材料同價錢如下 : -
鹹蛋一隻 $2 , 雞蛋兩隻 $3 , 免治豬肉 $10 , 木耳 $1 , 椰菜半個 $2.5 , 南瓜 $1.5 ,
蕃茄 3 個 $2.5 , 鯪魚肉 4 兩 $7 , 蓮藕 $ 4.5
南瓜蕃茄肉碎蛋花湯 - 先將南瓜同蕃茄炒香再加水同肉碎煮十分鐘再落一隻蛋.....連我自己都覺 very yummy
鹹蛋雞蛋蒸肉餅 - 切碎鹹蛋拌勻雞蛋同肉碎一齊蒸.....係我兒時老媽成日煮嘅餸菜之一
蓮藕煎鯪魚餅 - 我整得好薄....口感唔係咁好.....下次寧願整小幾件都要整厚 D
炒椰菜木耳.....加咗小小蓮藕條
三餸一湯 "大功告成"
噹媽.....下次到你 "大展拳腳"
個feel 真係住家到不得了 不過三個送，比起去大xx食碟燒味飯好得多啦，而家出面食一碟送+飯無4,50都唔駛旨意
回覆刪除[版主回覆08/27/2011 23:54:00]就係覺得出街食飯好貴, 所以咪試吓用三十零蚊可唔可以煮到三餸一湯囉
果然係慳家達人,三餸一湯幾好味.....不如你開一篇給大家來比拼玩下呀?
回覆刪除[版主回覆08/27/2011 23:55:00]其實我都係玩吓啫 你都可以自己响屋企玩吓
Very good ! 如果我係香港……會用薯仔絲+蝦米+叉燒粒,去整鯪魚茸餅。 可惜呢邊冇鯪魚茸!
回覆刪除[版主回覆08/28/2011 18:18:00]多謝 用蓮藕係唸住有咬口.....如果落豆角咪變泰式魚餅囉
當係新居入伙酒嗎???
回覆刪除[版主回覆08/28/2011 18:15:00]如果我有能力買新居我一定唔會慳住買餸錢.....因為要慶祝我終於有錢買屋
原來$34蚊都可以咁豐富!!
回覆刪除[版主回覆08/31/2011 00:51:00]原來真係冇嘢係冇可能.....下次要再向難度挑戰