尋晚成一點至响機場收工.
呢幾日都係陪住一家五口
其中一日個客話想去 "東薈城" outlet shopping,
買完嘢我 call 司機埋車
司機嚟到想駛好架車埋路邊俾我哋上車
明明前面冇車.......後面有大概兩呎位
司機唔知做乜 "Boom" 一聲撞咗埋後面架車度
雖然好嚮......但只係撞凹咗小小......唔細心睇根本睇唔到
如果係普通車碰撞.......可能賠幾百蚊就攪掂
但好衰唔衰呢架係掛 "CC" 牌嘅 "領事車"
個司機第一時間就報警
雖然只係 "備案"........十日內如果雙方 "和解" 唔到至正式落 charge
但因為係 "領事車"......對方多數會返 "原廠" 報價......條數可能會 "好甘"
但如果唔 "和解" 就要上堂
既要罰錢又要扣分.......仲要 claim 保險 (下次買保險又貴 D)
所以司機可能要 "硬賠"......即係話司機呢幾日都係 "白做"
而我可以做嘅就係......日日請佢食飯當 "幫補" 佢囉!
呢個司機真係大意又慘情~
回覆刪除[版主回覆08/04/2010 11:22:00]佢話望到我咁 "靚女" 分咗神喎!
妳好熟悉輕微交通意外的事情呀, 說得完全對, 類似的輕微碰撞我都試過, 那次遇上的是鬼婆, 她駕駛的是歐洲車, 她堅持要報警, 原因是怕我不認數, 結果她出示的原廠維修報價單好嚇人.
回覆刪除[版主回覆08/04/2010 11:26:00]我都係問熟識交通意外嘅人.....最壞如果唔和解會點!
今次最衰係撞到領事車......算司機當黑
OMG! GBH!
回覆刪除[版主回覆08/04/2010 11:28:00]Bless 極都 "無濟於事"
好慘啫…!! 乜鬼領使呀?!
回覆刪除[版主回覆08/04/2010 11:30:00]鬼知佢乜鬼領事......只知佢掛住 CC 牌
雖然好慘情 , 但人無事就好了
回覆刪除[版主回覆08/04/2010 11:32:00]佢係倒後時撞到後面架車.......當時雙方架車都冇人
咁就真係白做喇....
回覆刪除[版主回覆08/04/2010 22:39:00]所以我成日都話意外意外.....意料之外