可能因為大陸有春交展
所以"直通車" 鬼死o甘多人
去到入口見到有兩條人龍
我走去問其中一條龍嘅鬼佬
原來佢太多行李.......所以等佢朋友排隊佢至 short cut 攝入去
就因為佢呢個做法........攪到其他人排錯隊
到開始入閘嗰陣港鐵至派人出嚟截住錯嗰條龍
但又唔叫人去噃龍尾排隊
我見住嗰 D 大陸同胞發揮佢哋 "打尖" 嘅本色想揷隊
當然即時俾人鬧爆喇
我叫住個港鐵職員叫佢哋揾人出嚟幫手維持秩序
佢哋就只答我 : 得得得
我都睇唔過眼幫口叫 D 同胞排隊
佢哋見我 "眼超超"
唔知乜料就死死哋去噃排隊
最後嚟咗個應該高級 D 嘅職員
原來佢哋 "得" 嘅方法竟然係開噃頭先 "錯" 嘅入口
D 人咪即時走嚟走去想快 D 入閘囉
混亂嘅場面咪再一次出現囉!
你哋話港鐵幾無能吖
票價就識加........嘢又做唔到.......唉
呢個咪係嗰個非常有領導才能嘅高級職員囉
不嬲都覺得佢地無能架啦 , 只懂: 得.得.得. 有事就: 唔關我事喎 , 不知所為
回覆刪除[版主回覆05/02/2010 22:11:00]今次終於見識到
唉....而家d人係咁架喇....你要內地同胞排隊????咁同對牛彈琴有咩分別....你睇世博丫....簡直令我地蒙羞啦.....唔好話呀..而家香港d細既都係咁...就好似我日日搭巴士返工....d學生哥日日都唔排隊..盡管有條龍排晒係度...佢地就你有你排佢有佢打尖...d家長又同佢地一樣做埋同一樣既動作..你話丫..而家香港d細路丫..無救架喇.....我地都係死心喇....香港未來無架喇...個個咩野十後既後生只識問返政府社會攞咩攞物...佢地有無問過自己為呢個社會付出過咩丫???好似我地欠佢咁...真係為佢地父母汗顏為佢父母覺可恥....唓...對而家後生一代我已經無話可說.....
回覆刪除[版主回覆05/02/2010 22:32:00]嘩嘩嘩 你好似仲激過我! 雖則而家 D 學生又真係冇乜禮貌.....但總有例外嘅! 我哋又唔可以一竹篙打一船人嘅
點只細路？根本大人都係咁！壞榜樣在前，仲有咩教育可言？大嫂講得啱呀，香港未來真係冇架喇！淨係睇搭地鐵已知啦，有人有需要又冇人讓位，一開門人地未出就撞入嚟，又永遠冇人行入車廂中間等多 d 人入到...... 真係數之不盡呀！個個都係為自己，完全係活生生嘅〈楊子經書〉。
回覆刪除[版主回覆05/07/2010 23:24:00]究竟係邊個嘅錯呢???