而新年嘅氣氛亦遂漸遠去.
我亦早响年初一已經俾人 "Follow Me"
不過响年初四至 "正正式式" 開咗個 "Kowloon Tour"!
第一站去到黃大仙.........冇我想像中o甘多人,
可能因為擴建咗主殿,
所以人潮亦疏導得比較好!
你睇香火幾鼎盛
求籖區
熊....熊....聖....火.........憐我苦痛多
跟住去咗花墟........好多花店都冇開!
相比起過年前嘅熱鬧,
我更享受呢種 "恬靜",
你話如果有間小 Cafe 响度俾我一路睇花一睇嘆噃杯咖啡就 Perfect 喇!
呢棵叫 "紅運當頭" 嘅植物似唔似 "紅菜頭"
A 級獅頭........買佢嗰個正豬頭
呢 D 金魚好攪笑.......每抖啖氣個波波似漏咗氣再吹噃漲
魚樂無窮
行完金魚街經過 "極之好" 茶餐廳,
荷蘭婆婆俾門口嘅炒麵檔吸引住,
我咪叫佢哋入去試吓港式奶茶、豉油王炒麵 & 炸豆腐.......食到佢哋 "lam lam 脷"
尾站去埋玉器市場,
荷蘭婆婆好有興趣買噃件吊飾
開價 $680
.........開玩笑.........唔想我叫個客走就俾個實價嚟
最後一條玉吊飾加對玉耳環响我哋 "殺價" 吓........$320 "成交"
嗰朝雖然叫做 "開工",
但感覺上似自己去行街!
悠悠閒閒就過咗一個 "有錢揾" 嘅上晝!
沒有留言:
張貼留言