因為踏入十二月開始,
除咗 Follow Me Tour.........我都冇開過工
曾經有 Blog 友私人留言問我.......做導遊係咪可以揾好多錢
第二個我就唔知......我就一定係全行最窮嘅 Guide!
因為佢話睇咗我講一日或一個 Job 就揾好多
而家就等我解答吓你哋嘅疑團喇!
冇錯有時我 "一日" 或 "一個 Job" 係揾多小小,
但係.......係 "一日" 唔係 "日日",
仲有 "一個 Job" 可能係嗰個月嘅 "唯一" 一個,
我哋呢行唔係日日有工開,
而 12 月至 3 月仲係我哋 Market 嘅 "淡季",
所以 "坐冷板" 或 "食穀種" 嘅日子都唔小!
我揾嘅錢同你哋可能差唔多,
唯一令你哋 "羨慕" 嘅係我 "放假" 嘅時間比你哋多,
又冇頂頭老細 Head 住我,
最緊要嘅就係........我嘅 "收入" 係冇包要俾老細 "無理取鬧" 囉!
做妳呢行都係要好天搵埋落雨柴囉....
回覆刪除[版主回覆12/16/2009 20:43:00]我响好天揾埋嘅柴都唔多!
搵錢不須要多 , 可以過活就可以啦 !!! 搵快樂才一定要多呢!!!人生有幾多個拾年呀 , 得快樂時且快樂
回覆刪除[版主回覆12/16/2009 20:48:00]對我嚟講 Enjoy 我嘅工作最重要! 快樂唔使揾......只要你用簡單嘅心去感受就得喇!
正所謂好睇唔好食?!… 不過,你Enjoy就得啦!
回覆刪除[版主回覆12/16/2009 21:02:00]我真係好 Enjoy 我份工! 你見我食穀種食得o甘開心就知喇!
唔係聖誕或新年係最旺呢....我唸住多外國遊客來 tim ~~
回覆刪除[版主回覆12/17/2009 23:13:00]X'mas 應該係東南亞 Market 嘅旺季, 鬼佬就鍾意响屋企過 X'mas & New Year !
我想問既問題, 之前既blog友已經問左喇.
回覆刪除不如你形容下你D穀種係咩味啦, 食得咁開心.
正經D, 工作最緊要開心.
[版主回覆12/20/2009 00:00:00]穀種咪係 "開心" 嘅味道囉! 係得我至食得出咋!
雖然收入唔係好穩定,但總好過做份自己唔鐘意兼且做到 c c 吓嘅工吖!
回覆刪除[版主回覆12/20/2009 00:03:00]成日有假放嘅工又夠生活嘅.....你話去邊度揾吖!
點講我都好羨慕你既工作....好想好似你咁FEEL架...羨慕屎人喇....你要請學徒嘛????請我請我....
回覆刪除[版主回覆12/20/2009 00:09:00]請你做學徒 ??? 你係大嫂....咪即係 "超齡" 學徒..... No Way
咁你呢份工比起公務員五天工作仲爽喎
回覆刪除[版主回覆12/21/2009 00:38:00]公務員嘅工時點可以同我比......佢哋簡直恨到流口水