未見過

每次我接團都會預備小小現金响車開 Bank of Guide

因為方便 D 客即時換到錢,

當然我嘅 "兌換率" 會比酒店高.....但又比銀行低 D,

從中係o甘以抽小小 "油水" o甘喇!

歐羅我都收唔小,

但多數係 Euro 10, 20 & 50

就算 Euro 100 都係見過兩、三次,

但尋日個客居然俾張 Euro 500 我兌換,

我仲同佢講笑問張 Euro 係咪真嘅 ???

唔知大家有冇見過呢張 Euro 500 呢 ?

我專登影低俾大家見識吓!

尷尬

前晚接咗個商務團,

我只知係中方嘅電訊公司招待意大利電訊參觀 CSL 總部,

行程我只負責帶佢哋遊覽 & 上山頂食飯,

我一早帶定 Netbook 唸住食完麥當當就上網,

點知隨團負責嘅小姐叫我叫埋司機同佢一齊坐另一張枱食飯,

張單入佢公司數!

點知食完飯係意大利客找數,

當 Waiter 俾張單個客時,

我睇到佢個樣好 Surprise .....仲問係邊張枱????

我咪即時 Show Up 問 Waiter 係咪個客有問題???

其實我用意係等佢知我哋係個 "原兇"

我即時再問個女仔究竟係咪佢經理叫我哋一齊食飯,

原來個女仔只係 "理所當然" 地認為佢幫公司做嘢,

食飯當然入公司數喇!

仲話响大陸招待客户都係o甘,

即客坐一枱........職員 & 司機坐一枱!

大佬呀......呢度係香港呀!

仲要係响 Pearl On The Peak 食飯........張單幾 "甘" 至得嫁!

我聽後簡直覺得 "尷尬" 到爆!

見到班客時我唯有扮乜嘢事都冇發生過!

挪威巨人

早幾日响山頂發現 "巨人" 踪影,

雖然佢交义腳企响度,

但亦感覺佢 "高高在上" !

你估佢究竟係咪 "昂藏七尺" 嘅 "巨人" 呢????

佢有冇七尺我就唔知......

我只知.......

企响佢身邊......我就變咗 "小矮人" 啫!

我真係要 "岳" 高頭至可以同佢講嘢!

小禮物

中秋嗰兩日雖然要開工,

但拍着 "老相好" 領隊就冇所謂喇!

嗰日行完 tour 領隊話叫我車班客去 "女人街" ,

點知有對公公婆婆想返酒店,

佢哋又唔識英文又唔識路,

話要由 "女人街" 行去 "尖沙咀碼頭" 搭船返灣仔,

見佢哋o甘講我又唔忍心由佢哋自己行,

唯有做好人陪佢哋坐地鐵返酒店!

第日佢哋就送咗呢份小禮物俾我!

雖然佢哋唔識講英文......只講咗句荷蘭文 "登 Key Well" ......即 Thank You o甘解,

但從佢哋嘅眼神中見到佢哋流露出 "感激" 嘅眼神!

呢種幫咗人嘅 "滿足感" 真係勝過任何禮物或金錢嘅回報!

右面嗰個就係我送佢返酒店嘅荷蘭伯伯