豬流黨

早幾日接咗一班响北京俾人 "禁錮" 咗一星期嘅澳洲 Teachers,

佢哋响澳洲經香港去北京,

本來要玩北京、上海 & 西安,

回頭响香港玩兩日至返澳洲 !

點知就响香港至北京程飛機出事,

同機有人發燒驗出有 "豬仔",

佢哋就好悲慘o甘俾人 "禁錮" 咗 7 日!

最後只响北京玩咗一日o甘大把 !

好彩都去到長城、紫禁城 & 天安門!

不過個 Guide 就差 D......因為冇得帶佢哋去 Shopping 揾錢,

所以唔願講資料俾 D 客聽 !

聽到佢哋o甘悲慘嘅遭遇 ,

我當然要發揮我 "小導遊" 嘅 "好客之道" ,

接咗機返酒店之後本來係 Free time,

我專登帶佢哋出去行個圈,

教佢哋行去睇 Laser Show 兼點去廟街 Shopping!

第日行完半日 Tour ,

我又用私人時間帶佢哋行咗雀仔街、花墟 、 金魚街、女人街、電器街 & 波鞋街!

今次真係 "名符其實" 嘅 Follow Me Walking Tour !

雖然佢哋有個 "不愉快嘅開始",

但相信因為我..........佢哋總算有個 "Happy Ending " !

各 Blog 友心唸 : 呢個小導遊揾次唔認叻唔知係咪會死嘅呢 ???

答案係 "會" 嘅 !