吻別

呢排嚟親 D Group 都係小貓三幾隻,

尋日嗰班得 10 個人仲要分兩日嚟,

今日送走班 "荷蘭兄弟" 時,

因為同領隊係 "舊相好",

所以走時當然嚟個 "擁抱" 喇 !

原來 D 荷蘭人鍾意 "擁抱" 時嚟多三個 Kisses,

點知 D 客見到就唔同我握手 Say Goodbye !

而係個個都嚟個 Warm Hug 加三啖,

就係o甘我就送出咗十個 Warm Hug & 30 個吻出去

不過我都冇蝕底,

因為今團有兩個有型靚仔加個瀟灑靚爸 !

我直頭係有賺喇 !

VIP

上次講到接到 VIP 之後,

夜晚包咗架豪華遊艇夜遊維港,

兼 Order 咗 "到會" 响遊艇開餐!

望見一枱 16 盆食物,

而我哋只係得 6 個人,

我第一個感覺係 : 呢個世界有好多人冇嘢食.....今晚實會嘥咗好多嘢!

最後有好多盆食物 "郁" 都冇 "郁" 過,

我唯有叫船家儘量打包帶走唔好嘥喇 !

第日佢哋又包咗我同架車全日,

男嘅去開會.......我就陪兩個亞太去 Shopping!

雖然有 Guide Fee........仲係 Charge by Hour,

但我最憎就係陪人行街 Shopping,

不過今次係 work duty 就 "免為其難" 都要做喇 !

行咗三粒鐘........人都癲至返酒店會合 D 老公,

佢哋食飯我就响酒店 Lobby 攤抖!

跟住去大彿行咗一粒鐘,

再响東薈城 Outlet 陪佢哋行咗兩粒鐘!

餘慶節目仲要上山頂,

卒之攪到差唔多零晨至返歸 !

代價雖然係.......揾咗唔小.......但絕對係 "有血有汗" !

巴西 VIP 臨走送咗對巴西名牌 Havaianas 人字拖俾我!

花劫

大家睇吓呢兩紮花靚唔靚 ?

係咪有 D 妒忌我呢個靚女一次過收兩紮花呢 ?

我都想........但實情係我差 D 就 "衰" 咗响呢兩紮花手上 !

事緣間 Travel Agent 叫我買兩紮鮮花去機場接機!

兩紥喎.........點拎呀 ???

所以我一心唸住去到機場至買,

誰不知到咗機場至知間花店執咗笠,

嗰一刻我簡直 "晴天霹靂"............買唔到花就 "大檸樂" !

好彩班機 Delay 咗,

我即刻飛的去東涌買,

攪到 "裙拉褲甩" 濕哂身至買到兩紮花返嚟 !

跟住仲入埋禁區接四個客,

起初我以為佢哋係セ嘢 VIP 定領事o甘巴閉!

原來只係大陸一間電訊公司接待佢哋巴西嘅大客!

所以俾錢用 Special Service 入禁區接客啫 !

我都係第一次入禁區坐專車去閘門接客咋!

所以我覺得自己似 VIP 多 D 囉!

豬流黨

早幾日接咗一班响北京俾人 "禁錮" 咗一星期嘅澳洲 Teachers,

佢哋响澳洲經香港去北京,

本來要玩北京、上海 & 西安,

回頭响香港玩兩日至返澳洲 !

點知就响香港至北京程飛機出事,

同機有人發燒驗出有 "豬仔",

佢哋就好悲慘o甘俾人 "禁錮" 咗 7 日!

最後只响北京玩咗一日o甘大把 !

好彩都去到長城、紫禁城 & 天安門!

不過個 Guide 就差 D......因為冇得帶佢哋去 Shopping 揾錢,

所以唔願講資料俾 D 客聽 !

聽到佢哋o甘悲慘嘅遭遇 ,

我當然要發揮我 "小導遊" 嘅 "好客之道" ,

接咗機返酒店之後本來係 Free time,

我專登帶佢哋出去行個圈,

教佢哋行去睇 Laser Show 兼點去廟街 Shopping!

第日行完半日 Tour ,

我又用私人時間帶佢哋行咗雀仔街、花墟 、 金魚街、女人街、電器街 & 波鞋街!

今次真係 "名符其實" 嘅 Follow Me Walking Tour !

雖然佢哋有個 "不愉快嘅開始",

但相信因為我..........佢哋總算有個 "Happy Ending " !

各 Blog 友心唸 : 呢個小導遊揾次唔認叻唔知係咪會死嘅呢 ???

答案係 "會" 嘅 !

毒吻

大家睇吓我隻手.......腫起咗一大舊,

直情有一個五蚊雞o甘大,

但唔好以為我撞腫咗隻手喎!

實情係我尋日帶 Tour 去淺水灣時,

又俾 D "狂風浪蝶" 强吻我 !

上車覺得隻手 "痕痕癢癢",

司機哥哥仲 "醒" 支 "紫花油" 我搽,

誰不知唔夠一粒鐘,

我隻手就 "腫" 到好似 "壽星公" 個 "額頭" o甘 !

究竟乜嘢o甘毒呢 ????