行完 Tour 食完 Lunch 經過灣仔維景酒店,
我問 D 客知唔知香港 confirmed case 單嘢,
話個客因為發燒至發現有 "豬流感" !
跟住我發現 色狼 A 望住 色狼 B 嘅眼神好奇怪 !
我咪問佢做乜o甘望住佢囉 !
A 話 B 尋晚發過一個鐘頭燒........不過之後已經冇事 !
吓 !
......唔怪得今朝佢猛o甘用條手巾抹鼻喇 !我叫個客即刻戴口罩.........但佢唔肯!
我咪唯有叫司機即刻開窗.
我仲同班客講為咗大家健康着想,
一陣去到機場我只會同你哋 Say Goodbye 而唔會同你哋握手.
早兩日我已經有 D "喉涸涸兼聲沙",
唔知係咪心理作用.......覺得自己已經受感染.
開始覺得條脷好似 "生痱滋" 有 D 痛,
返到屋企仲開始流鼻水,
我臨瞓即刻 "拍" 咗兩粒 "幸福傷風素",
第二朝起身又好似乜事都冇 !
不過今朝又好似攰咁 !
睇怕我依家又要去瞓覺
.........其實我起咗身冇耐咋 !
好彩我冇發燒.......所以我應該只係感染咗普通感冒而唔係 "豬流感",
大家放心........我唔會o甘好彩成為第一個感染 "豬流感" 嘅港人嘅 !
睇你個標題嚇死我呀！不過你都要小心 d ，你份工成日接觸咁多唔同嘅人。感冒就盡量爭取時間休息多 d ，同埋飲多 d 水啦！
回覆刪除[版主回覆05/05/2009 14:14:00]嚇親你真係唔好意思 ! 多謝關心!
瞓得太多都瞓唔着, 反而想去公園行吓吸吓新鮮空氣 !
人地就講得啱啦..要多飲水....喂..你做左第一無所謂呀..不過記住同d官講...之前接觸過我同我d同事仔朋友仔...等我地可以一齊去..渡假村隔離(記得帶埋啤牌..麻雀)到時大家乘機聯誼..聯誼..唔使返工啦喂...
回覆刪除不過要你做第一..真係唔好意思啦... ...但..你偉大嘛..偉d大為我地服務....多謝晒先..哈哈
仲有...好心你唔好出咁多夜街啦....病仲躝街..自己攞黎...
[版主回覆05/06/2009 01:06:00]我做咗第一咪可以上 A1 頭條........都唔錯喎 !!!
我相識滿天下......盛情難卻嗎 !
"喉涸涸兼聲沙,開始覺得條脷好似 "生痱滋" 有 D 痛"
回覆刪除係唔係食咖哩多, 熱氣呀?
唔駛太担心嘅! 不過都要保重身體, 如果去公園要著多件衫啦!
[版主回覆05/06/2009 01:22:00]係唔係食咖哩多, 熱氣呀?
你o甘講又可能係喎 !!! 我都冇担心真係會感染 "豬流感" !不過都多謝你關心 ! 大家都保重喇 !
講時講, 你日日見咁多人, 真係要小心d. 身體緊要.
回覆刪除你感冒, 會唔會係食得太多咖哩, 太燥. 哈哈.
不過你今日病, 唔同你講笑, 總知, 多d休息.
[版主回覆05/06/2009 16:06:00]我日日見嘅係 "鬼" & "差哥"......冇セ見人喎.....o甘仲使唔使小心呀 !
其實 D "搖頭黨" 食飯嗰陣我都係係o甘易食小小飯, 冇乜食咖喱 ! 應該係早兩日瞓得唔好抵抗力弱咗啫 ! 而家冇事喇 ! 多謝關心 !
依家好番未呀?多多保重喇!
回覆刪除[版主回覆05/06/2009 16:08:00]好噃喇 ! 尋晚已經 "冷" 街喇 !
多謝關心 !
你真係要小心d喎, 因為你日日都見咁多來至世界各地的人... 豬流感 === 真係唔講得笑!!!!
回覆刪除[版主回覆05/06/2009 16:10:00]我會喇 ! 我 都唔想上 A1 頭條 !
多謝關心 !
你真係要小心身體呀, 成日去D人多地方, 唔怕一萬,至怕萬一, 我都唔想係A1 度見到你呀 , 都係個句人多記住帶MASK呀.
回覆刪除[版主回覆05/06/2009 21:53:00]做セo甘耐唔嚟吹水 ??
我會小心 ! 你都叫皇上 & 皇后保重龍體呀 !
我上星期去咗BEIJING玩咗五天,SUNDAY先返所以無咩時間吹水, 我會叫皇上 & 皇后保重龍體啦, 你都代問侯AUNTIE啦,
回覆刪除[版主回覆05/07/2009 00:15:00]o甘 happy 都唔叫埋我 ! 好玩嗎 ? 快 D 寫 Blog, post D 相上網俾我睇吓 !
你好番d未? 我都唔想你比左個壞的形象d旅客, 你都係休息多d.
回覆刪除你瞓得唔好, 唔洗掛住我喎, 我只係忙著沐浴在愛河當中, 未上返黎...開電腦打blog, ........免得比你睇到麻. 哈哈.
你知啦, e隻痛係由"鬼"道黎, 咁......你會唔會仲要小心dd呢!
[版主回覆05/07/2009 11:27:00]我好噃喇 ! 多謝關心 !
點解o甘多人想我掛住佢哋嘅 ??? 你......你....仲有你... セ我真係o甘受歡迎咩 ?
好喇 ! 等我一次過同你哋講 : 我好掛住你哋 ......快 D 多 D 嚟探我同我吹水 !
我諗妳都係普通流感者, 休息睡多d就好番架喇....
回覆刪除[版主回覆05/08/2009 12:58:00]我已經好噃哂喇 ! 多謝關心 !