導遊證

尋晚去工聯會上咗個導遊續證嘅專題講座,

我連個講座嘅主題係乜都唔知,

原來叫做 " 香港旅遊業誠信與發展",

講座仲請咗董耀中做嘉賓.

佢講咗セ我當然唔知 ?

因為我只係帶咗個 "肉身" 去,

我嘅思想 & 靈魂當然唔知飄咗去邊喇 !!!

當我正進入夢鄉之際,

突然聽到 D "喝倒采" 聲

原來係講到導遊續牌時要再考試 !

所以 D 導遊即時問點解外遊領隊續牌唔使考,

保險或地產亦只係修夠學分就可以續牌,

唯獨導遊要修夠學分、參加講座 & 考試至可以續牌呢 ???

o甘係咪即係 "歧視" 導遊唔夠資格呢 ?

大家你一句我一句係o甘質問董耀中.......攪到佢鬼死o甘尷尬 !

最後有導遊質疑 "旅遊業議會" 成日話收到投訴至要提升導遊資格,

根本就係針對內地導遊,

連董生都唔否認所有投訴都唔關外文 & 東南亞導遊嘅事 !

終於還我哋一個公道 !

大家以後唔好聽到導遊個名就以為我哋一定會擲 D 客去海邊吹風 !

最後發問時間有好多導遊都發表咗唔同意見,

董耀中亦親口應承會跟進大家嘅訴求,

o甘我哋咪 "拭目以待" 囉 !

就係o甘.......我白白嘥咗三粒鐘,

簽個名攞咗張o甘嘅證書返屋企 !

究竟呢張 Cert. 提升咗我 D セ嘢資格呢 ???