"即捕即戒" 即係即接即 tour 即送走.
唔知佢哋係咪坐得太耐飛機,
除咗兩個男人係 friendly D 之外,
其餘 4 個都係"不苟言笑" 嘅"滅絕師太"
無論我講乜佢哋都係得一個表情,
攪到我都冇哂 mood !
去到山頂瞭望台講解完我循例都攪吓笑,
望住條小路叫佢哋唔使行過去,
因為條路只係通去我山頂間屋,
通常 D 客都知我講笑會答噃我 : really ???
點解唔請我哋去坐呀 ????但今次其中一個"滅絕師太" 居然話 : 間屋係你嘅....你實係賺好多 tips 喇 !
嘩 !
我都係攪吓笑啫 !你使唔使o甘講嘢呀 !
本應想"得"佢一句 : 唔係好多啫 ! 都未收你嗰 D !
但係唸吓都費事.....咪一陣佢以為我開口問佢攞 tips !
跟住去淺水灣介紹咗天后廟 D 佛像就俾佢哋 free 咗半粒鐘,
返嚟問佢哋有冇摸財神帶 D 財氣俾自己.
班"滅絕師太"話只係去咗沙灘玩水,
我話中國人話"水為財",
你玩水即係都會帶"財氣"俾你,
其中一個"滅絕師太"好"掘" o甘話 : 我玩水啫 !冇唸過錢呢樣嘢喎 !
嘩 !你哋有冇 senses of humor !
我今次真係忍唔住"笑笑口"串佢話 : 我講笑啫 !
你唔使o甘認真......如果真係"掂"吓 D 水都有錢就個個都唔使做喇 !
講真帶團最怕遇到呢 D 客,
出嚟玩唔該你哋咪"乸"埋塊面寬容 D,
我有乜所謂,
好唔好都係見你哋幾個鐘,
但係你哋俾錢出嚟玩得o甘"黑面"就咪嚟喇 !
佢哋姨×到呀!
回覆刪除五少奶 上
[版主回覆10/03/2008 07:43:00]唔記得""reply 掣......你頭頂係 reply 俾你 !
都可能係 !!點解我冇唸到呢 ??
回覆刪除經過我喺度12 年嘅觀察 ,加拿大嘅男人係 friendly 過 d 女人架!
回覆刪除[版主回覆10/03/2008 16:02:00]原來 D加女拍得住 D 高傲嘅英女.... no fun !亦有可能佢哋妒忌我後生 &靚過佢哋 !
呵呵~我只係知係加國回流返黎既客..十個有九個半改姓..朱..既啫....同佢地做野...做完會成地血...我心諗日日見多幾個我會貧血而死囉~ 咩野叫慢三拍你明架啦....佢地???/三就三...係三十拍呢...死得咁制....
回覆刪除D鬼婆係咁架啦....理鬼佢丫...佢貼錢買難受之嘛...一句講晒...玩得唔開心..關人囉~
[版主回覆10/04/2008 13:28:00]唔只係加國回流, 係住得响外國耐嘅節拍係慢 D,可能外國 D 生活冇o甘緊張啩 !
我都唔明點解而家啲人好多都係咁
回覆刪除攞咗錢出去玩又偏偏玩到「燶口燶面」
同佢哋講笑又話你無禮貌
唔講笑又話你唔夠專業
真係頂..........
[版主回覆10/04/2008 13:50:00]咪就係佢哋覺得俾咗錢"大哂"囉 !
那麼無禮貌的人 , 不用理會她們好了
回覆刪除[版主回覆10/04/2008 21:08:00]通常 nice 嘅客我會講多 D 嘢俾佢知, o甘嘅 quali 就佢自己蝕底聽小咗
毫無幽默感，對住這些旅客真的無癮呀！
回覆刪除[版主回覆10/04/2008 21:49:00]下次應該揾包公做佢哋導遊 !
咁遠來到旅行仲黑口黑面,真係勁奇怪?!
回覆刪除[版主回覆10/04/2008 23:08:00]五少奶話佢哋姨媽到, 我唸應該似"更年期"多 D
下次妳送個玉女劍法比阿滅絕師太，等佢地收下火囉。
回覆刪除[版主回覆10/05/2008 02:44:00]乜唔係應該整套"壯陽秘芨"俾佢哋嘆咩???
靚女。。滅絕師太唔底得你靚女過佢好多千倍，所以 咪"乸"埋塊 面 對住 你，佢地唔恨得咁多啦，因為靚女心地好，所以越來越靚囉！
回覆刪除[版主回覆10/05/2008 12:10:00]多謝 ! 我 keep 住靚就得喇! 越來越靚 會招人妒忌就唔好喇 !
係咪你同果兩個加拿大男人太friend, 佢地班女咪唔高興囉?
回覆刪除[版主回覆10/05/2008 20:49:00]唔係喎!嗰兩個男人雖然 friendly, 但佢哋好似"鶉"o甘冇乜出過聲喎 !
你無睇楊過與小龍女咩?!玉女劍法係男女一齊練，仲要.......，哈哈哈
回覆刪除[版主回覆10/05/2008 22:03:00]哦 ! 乜要........
無聲勝有聲嘛!!!!!!! 可能佢地眼神已經流露咗呢!!!!!
回覆刪除[版主回覆10/06/2008 02:08:00]即係男嘅就"傾慕"我, 女嘅就想"殺死我"!!!
你又咁靚女!!!
回覆刪除[版主回覆10/06/2008 02:10:00]咪鬼成日提住喇!我面紅 !
或者其實佢地係"愛你變成殺死你"呢!
回覆刪除[版主回覆10/06/2008 16:04:00]點睇佢哋都係似妒忌我"靚"多 D !
是也 !!! 我都係鍾意講笑既人.~ 去旅行...relax下嘛....依家仲係咁拘謹= =
回覆刪除你講廣東話架?
回覆刪除[版主回覆10/09/2008 16:52:00]吓 ! 點解o甘問嘅 ? 我係地道香港人, 不過帶鬼佬 in-bound 團啫!
我意思以為妳同滅絕師太講廣東話，講得咁地道意思既廣東話笑話，佢地Get唔Get到，妳既意思？
回覆刪除[版主回覆10/10/2008 10:20:00]原來係我 get 錯你意思 ! 我講 tour 時有講小小風水嘅嘢,所以佢 get 到我講乜 !